Louk 7:29 - Tèstèman nèf-la: Épi an posyòn an liv samz-la

²⁹ Jézi di, “Lè tout sé moun-an èk jis sé mové nonm-lan ki té ka anmasé taks bay gouvèdman-an tann sa Jan Batis di-a, yo kwèʼy èk yo di Bondyé dwèt, èk kon sa yo kité Jan Batis batizé yo.

Louk 7:29 ပူးပေါင်းရင်းမြစ်များ

Samz 51:4

Mwen ja péché kont ou, èk sé kont ou yonn mwen ja péché, èk sé douvanʼw menm mwen fè movèzté sala. Kon sa ou ni wézon lè ou pasé jijman asou mwen, èk ou byen jijé lè ou kondanné mwen.

Mafyou 5:46

Ou pa sipozé èspéyé pouʼw jwenn péyiman an lanmen Bondyé si ou enmen janʼw tousèl. Jis sé bòbòlis-la ki ka anmasé taks-la ki ka fè sa.

Louk 20:6

Mé si nou di sé lézòm ki voyéʼy, tout sé moun-an kay voyé wòch dèyè nou, paski yo asiwé ki Jan Batis sété yon pwòfèt.”

Louk 3:12

Yon konpanni nonm ki té ka anmasé taks bay gouvèdman Ronm vini pou Jan batizé yo, èk yo mandéʼy, “Mèt, ki sa nou ni pou fè?”

Louk 7:28

Jézi kontiné ka di yo, “La pa ni pyès moun ki enpòtan pasé Jan Batis. Mé moun-an ki mwens enpòtan anpami sé sa Bondyé ka kondwi-a, i ni pli pwivilaj pasé Jan Batis.”

Louk 7:35

Mé kanmenm lavi tout sa ki chwazi pou swiv Bondyé ka moutwé ki Bondyé savan.”

Twavay 18:25

Yo té ja enstwiʼy ki mannyè an moun ki kwè an Senyè-a sipozé viv, épi i té fò an chay lè i té ka palé. I té ka di sé moun-an lavéwité-a konsèné Jézi, mé sété batenm Jan Batis-la tousèl i té konnèt.

Twavay 19:3

Pòl di yo, “Ében, épi kilès batenm yo té batizé zòt?” Yo di, “Sé épi menm batenm-lan Jan Batis té ka palé-a.”

Ronm 10:3

Paski kon yo pa té konnèt chimen-an Bondyé té fè pou mété moun dwèt épiʼy-la, yo alé épi fè chimen yo menm, épi sé kon sa yo vini wifizé sèvi chimen-an Bondyé té fè ba yo-a.

Wévélasyon 15:3

Yo té ka chanté chanté Moziz, sèvant Bondyé-a, ansanm épi chanté Ti Mouton-an. Chanté-a té ka di: “Sé ou Bondyé ki Senyè nou, sé ou ki ni tout pouvwa. Twavay ou gwan an chay. Yo ka fè moun wèsté bouch gwan ouvè. Ou sé wa tout nasyon ki an latè-a. Twavay ou dwèt èk yo sé lavéwité.

Wévélasyon 16:5

Èk mwen tann nanj-lan ki wèskonsab tout sé dlo-a di, “Sé ou yonn, Bondyé, ki san fòt, ou ki ka viv atjwèlman, ou ki té ka viv dépi avan anyen té fèt. Jijman-an ou bay-la dwèt.