Louk 2:40 - Tèstèman nèf-la: Épi an posyòn an liv samz-la

⁴⁰ Sé la ti manmay-la vini gwan, èk i pwofité an santé épi lakonpwann, èk Bondyé benniʼy.

Louk 2:40 ပူးပေါင်းရင်းမြစ်များ

Samz 22:9

Mé Senyè, sété ou menm ki té tiwé mwen san danjé an bouden manman mwen, ou pwotèkté mwen lè mwen té piti.

Samz 45:2

Sé ou ki pli bèl anpami tout nonm ki an latè-a. Bèl pawòl ka sòti an bouch ou. Bondyé ja benniʼw pou tout tan.

Louk 1:80

Ti manmay-la pwofité èk i swiv kondwit Bondyé, èk i té ka wèsté adan yon plas pa kòʼy pou an chay tan, jis tan lè jou-a i té kay pawèt an piblik pou i té pwéché bay sé Jan Izwayèl-la.

Louk 2:47

Tout sa ki tann li té sipwi pou wè lakonpwann li épi wépons li.

Louk 2:52

Jézi vini gwan gason. I pwofité an lakonpwann, èk ni Bondyé ni lézòm té enmenʼy.

Liv Bon Nouvèl-la Jan Ékwi-a 1:14

Pawòl-la tounen an moun èk i viv anpami nou. I té plen lagwas èk i moutwé nou ki moun Bondyé yé pou vwé. Nou wè pouvwaʼy, sété pouvwa-a Papa-a té bay sèl Gasonʼy-lan.

Twavay 4:33

Sété épi an chay pouvwa sé zapòt-la fè sé moun-an konpwann aklè sété Bondyé ki fè Jézi wésisité, épi Bondyé voyé lagwas li asou yo tout.

Èfésòs 6:10

Avan mwen fini lèt sala mwen vlé zòt chonjé pou doubout fò an Senyè-a ki ka viv andidanʼw-lan épi ki fò tout fò-a.

2 Timòfi 2:1

Ou menm, gason mwen, tjenbé fò èk kouway-la Jézi Kwi ba ou-a.