Louk 12:31 - Tèstèman nèf-la: Épi an posyòn an liv samz-la

³¹ Obéyi kondwit Bondyé, èk Bondyé kay baʼw tout lòt bagay.

Louk 12:31 ပူးပေါင်းရင်းမြစ်များ

Samz 34:9

Sé pou sé moun Bondyé Senyè-a ni wèspé pou li. Moun ki ka wèspèktéʼy kay jwenn tout sa yo bizwen.

Samz 37:19

Yo pa kay hont lè bagay vini mové. Yo kay ni plis pasé yo sa manjé lè lafen tonbé an péyi-a.

Samz 37:25

Mwen té jenn, èk atjwèlman mwen ja gwan, mé mwen pa janmen wè Bondyé tounen doʼy asou nonm-lan ki dwèt-la, ni mwen pa janmen wè ich li ka mandé lachawité.

Samz 37:3

Mété tout konfyans ou an Bondyé Senyè-a èk fè sa ki bon. Viv an tè-a mwen ba ou-a an lapé.

Samz 84:11

Sé Bondyé Senyè-a ki klèté nou, sé li ki ka pwotèkté nou. I ka voyé bontéʼy asou nou èk i ka onnowé nou. Lè an moun ka fè sa ki dwèt, Bondyé pa ka wifizéʼy anyen ki bon.

Mafyou 6:33

Mé kité Bondyé kondwi laviʼw avan, épi fè tout sa i vléʼw fè, épi i kay baʼw tout sé lézòt bagay sala.

Louk 10:42

mé sé yon sèl bagay ki nésésè, èk sé Mari ki ja chwazi sa ki pli bon-an, èk pyès moun pa kay pwanʼy lanmenʼy.”

Louk 12:30

Sé moun ki pa ka kwè an Bondyé ki ka twakasé kò yo konsèné sé bagay sala, mé Papaʼw ki an syèl sav ou bizwen tout sé bagay sala.

Liv Bon Nouvèl-la Jan Ékwi-a 6:27

Sé pa pou zòt twavay pou manjé-a ki ka gaté-a, mé twavay pito pou manjé-a ki ka fè moun viv pou tout tan-an. Sé menm manjé sala mwen Gason Lézòm-lan kay bay zòt, paski sé pou wézon sala Bondyé Papa-a té voyé mwen.”

Ronm 8:31

Bon, sa vlé di tout sa? Si Bondyé pou nou, kilès moun ki kay kont nou?

1 Timòfi 4:8

Lézèksis sa bennéfis ou an tizing, mé an lavi nèt douvan Bondyé kay bennéfis ou an tout bagay, paski Bondyé ja pwonmèt ou lavi ni apwézan ni an tan-an ki ka vini-an.

Hibrou 13:5

Pwan pokosyon pou pa enmen lajan twòp. Sé pou zòt kontanté èk sa zòt ni. Bondyé di, “Mwen pa kay janmen kité zòt, mwen pa kay janmen tounen do mwen anlè zòt.”