Liv Bon Nouvèl-la Jan Ékwi-a 18:4 - Tèstèman nèf-la: Épi an posyòn an liv samz-la

⁴ Jézi té konnèt tout bagay yo té kay fèʼy, kon sa i maché douvan èk i mandé yo, “Ki moun zòt ka gadé pou?”

Liv Bon Nouvèl-la Jan Ékwi-a 18:4 ပူးပေါင်းရင်းမြစ်များ

Samz 27:3

Menm si an gwan kantité sòlda bawé mwen tout oliwon, mwen pa kay pè. Menm si yo lévé ladjè kont mwen, mwen kay toujou ni konfyans an Bondyé.

Mafyou 16:21

Dépi tan sala, Jézi koumansé palé aklè bay sé disip li-a. I di yo, “Mwen ni pou alé Jérouzalèm, épi sé chèf pwèt-la épi sé titja lwa-a épi sé ofisyé Jwif-la kay fè mwen soufè an chay. Yo kay fè moun tjwé mwen, mé lè i ni twa jou, mwen kay wésisité.”

Mafyou 26:2

“Kon ou sav, an dé jou ankò kay Fèt Délivwans-lan épi yo kay pwan Gason Lézòm-lan épi yo kay ladjéʼy an lanmen lézòm pou yo kwisifyéʼy.”

Mafyou 26:21

Paditan yo té ka manjé, Jézi di yo, “Mwen ka asiwéʼw, yonn an zòt kay twayi mwen.”

Mafyou 26:31

Jézi di yo, “Òswè-a menm zòt tout kay kouwi kité mwen, paski lévanjil-la di, ‘Bondyé kay tjwé gadyenn mouton-an, épi twipo mouton-an kay simen.’

Louk 24:44

Lè sala i di yo, “Sa sé menm sé bagay-la mwen té di zòt-la padan mwen té la èk zòt toujou. Mwen té di zòt, tout sa Moziz èk sé pwòfèt-la té ékwi konsèné mwen, èk tout sa ki ékwi konsèné mwen an liv Samz-la, té ni pou fèt.”

Liv Bon Nouvèl-la Jan Ékwi-a 13:1

Sété jou avan Fèt Délivwans-lan. Jézi sav lè-a té ja vini pouʼy kité latè sala pouʼy alé jwenn Papaʼy. I té toujou enmen sé moun li-an ki an latè-a, mé atjwèlman i moutwé yo ki otan enmen i enmen yo.

Liv Bon Nouvèl-la Jan Ékwi-a 13:11

Jézi té ja sav kilès anpami-an ki té kay twayiʼy. Sé pou sa i di, “Zòt tout nèt, mé la ni yonn anpami-an ki pa nèt.”

Liv Bon Nouvèl-la Jan Ékwi-a 18:5

Yo di, “Nou ka gadé pou Jézi nonm Nazawèt-la.” I di yo, “Sé mwen ki li.” Jida menm, nonm-lan ki té kay twayiʼy-la, té doubout la épi yo.

Liv Bon Nouvèl-la Jan Ékwi-a 18:7

Jézi mandé yo ankò, “Ki moun zòt ka gadé pou?” Yo di, “Nou ka gadé pou Jézi nonm Nazawèt-la.”

Liv Bon Nouvèl-la Jan Ékwi-a 19:28

Lè sala Jézi menm té sav i té ja fini twavay-la Bondyé té voyéʼy fè-a. Èk pou té fè sa lévanjil-la di-a vin fèt vwé, i di, “Mwen swèf.”

Liv Bon Nouvèl-la Jan Ékwi-a 6:64

Mé adan zòt pa menm vlé kwè.” Jézi té sav dépi an koumansman-an ki konpanni ki pa té ka kwè épi ki moun ki té kay twayiʼy.

Twavay 2:28

Ou ja moutwé mwen chimen-an ki ka ban mwen lavi-a, épi mwen kay ni tjè kontan, paski ou toujou la épi mwen.’ ”

1 Pita 4:1

Bon, kon Jézi soufè an lachèʼy-la, sé pou zòt pwépawé pou fè menm lidé épiʼy, paski si ou dakò pou soufè bay Jézi, sa vlé di ou ja fè lidéʼw pou doubout péché.