Hibrou 7:11 - Tèstèman nèf-la: Épi an posyòn an liv samz-la

¹¹ Lè Bondyé té bay sé jan Izwayèl-la lwa-a, sété lafanmi Livay yonn ki té sa vini pwèt. Bon, si twavay yo kon pwèt té sa fè moun vini kon yo té sipozé yé, i pa té kay nésésè pou an lòt kalité pwèt vini, an pwèt ki menm kon Mèlkizidèk, mé pa kon Éronn ki té sòti an lafanmi Livay.

Hibrou 7:11 ပူးပေါင်းရင်းမြစ်များ

Galécha 2:21

Sé pa widjèkté mwen ka widjèkté lagwas-la Bondyé ja ban mwen-an, paski si moun té sa vini dwèt douvan Bondyé lè yo obéyi lwa-a, ében Jézi Kwi mò pou anyen.

Galécha 4:3

An menm mannyè-a, avan Jézi Kwi té vini, nou sé Jwif-la sété kon ti manmay paski nou pa té konpwann lavéwité-a. Menm kon moun ki èslav ka obéyi mèt yo, nou té ni pou obéyi sé vyé lèspwi-a ki ka kondwi latè-a.

Galécha 4:9

Mé apwézan ou konnèt Bondyé — ében simyé mwen di, Bondyé konnèt ou — kon sa mwen pa sa kwè ou vlé viwé obéyi sé vyé lèspwi-a ki tou fèb èk tou mizéwab-la! Ou vlé di mwen ou vlé viwé èslav anba sé bagay sala ankò?

Hibrou 5:10

I fè sa paski Bondyé déklawé sé Jézi ki pli ho chèf pwèt-la, menm kon Mèlkizidèk.

Hibrou 5:6

Bondyé di an lòt koté an lévanjil-la ankò: “Ou sé an pwèt pou tout tan, menm kon Mèlkizidèk.”

Hibrou 6:20

I ja alé la pou lapéti nou èk i ja vini pli ho chèf pwèt pou tout tan, menm kon Mèlkizidèk.

Hibrou 7:10

Livay pʼòkò té fèt, mé nou sa di i té andidan Abrahanm toujou lè Abrahanm té jwenn épi Mèlkizidèk.

Hibrou 7:12

Paski lè an lòt kalité pwèt vini, lwa-a ni pou chanjé tou.

Hibrou 7:13

Sété konsèné Senyè nou yo té di tout sé bagay sala, paski i té sòti adan an lòt lafanmi, èk pyèsonn an lafanmiʼy pa té janmen an pwèt.

Hibrou 7:15

Nou ka wè sa pli aklè lè nou wè an lòt kalité pwèt vini ki menm kon Mèlkizidèk.

Hibrou 7:21

mé lè Jézi vini an pwèt, Bondyé fè an sèman, i di: “Mwen Bondyé Senyè-a ja fè an sèman èk mwen pa kay chanjé lidé mwen: ‘Ou sé an pwèt pou tout tan.’ ”

Hibrou 8:7

Si pwèmyé agwéman-an té sa fè tout sa i té sipozé fè, i pa té kay nésésè pou ni an lòt agwéman ankò.

Hibrou 9:6

Sé kon sa yo té wanjé sé bagay sala. Sé pwèt-la té ka alé an pwèmyé chanm-lan toulé jou pou fè twavay yo.