Hibrou 5:7 - Tèstèman nèf-la: Épi an posyòn an liv samz-la

⁷ Paditan Jézi té ka viv asou latè-a, i té pwédyé èk i té palé bay Bondyé èk an tjè ki gwan ouvè. I kwiyé Bondyé fò èk dlo an zyéʼy, paski sé Bondyé yonn ki té sa anpéchéʼy mò. I té abésé kòʼy èk i té obéyisan, èk sé pou sa Bondyé tann li.

Hibrou 5:7 ပူးပေါင်းရင်းမြစ်များ

Samz 22:24

I pa ka néglijé sé maléwé-a, ni tounen fidjiʼy asou soufwans yo. I pa ka tounen doʼy asou yo, mé i ka wéponn lè yo kwiyéʼy pou édé yo.”

Mafyou 27:46

Lè i té bò twazè apwémidi, Jézi hélé épi an gwo vwa. I di an langaj sé Jwif-la, “Eloi, Eloi, lama sabachthani?” Sa vlé di, “Bondyé mwen, Bondyé mwen, pouki ou ja tounen doʼw anlè mwen?”

Mafyou 27:50

Jézi hélé épi an gwo vwa ankò épi i mò.

Liv Bon Nouvèl-la Mak Ékwi-a 15:34

Épi lè i té twazè, Jézi hélé épi an gwo vwa, “Eloi, Eloi, lama sabachthani?” Sa vlé di, “Bondyé mwen! Bondyé mwen! Pou ki wézon ou ka abandonnen mwen?”

Liv Bon Nouvèl-la Mak Ékwi-a 15:37

Épi Jézi hélé épi an gwo vwa, épi i pwan dènyé lisouf li.

Louk 23:46

Jézi hélé èk tout fòs li, i di, “Papa, mwen ka délivwé lam mwen an lanmenʼw!” I di sa èk i mò.

Liv Bon Nouvèl-la Jan Ékwi-a 1:14

Pawòl-la tounen an moun èk i viv anpami nou. I té plen lagwas èk i moutwé nou ki moun Bondyé yé pou vwé. Nou wè pouvwaʼy, sété pouvwa-a Papa-a té bay sèl Gasonʼy-lan.

Liv Bon Nouvèl-la Jan Ékwi-a 11:35

Jézi pléwé.

Liv Bon Nouvèl-la Jan Ékwi-a 11:42

Mwen sav ou toujou ka tann mwen, mé mwen ka di sa pou lapéti sé moun sala ki isi-a, pou yo sa kwè sé ou ki voyé mwen.”

Liv Bon Nouvèl-la Jan Ékwi-a 17:1

Lè Jézi fini palé bay sé disip li-a, i lévé zyéʼy an syèl èk i di, “Papa, lè-a ja vini. Fè moun wè pouvwa Gasonʼw, pou mwen fè moun wè pouvwaʼw.

Ronm 8:3

Sa lwa-a pa té sa fè paski i té fèb an lachè-a, sé menm sa Bondyé ja fè. Bondyé voyé Gasonʼy menm, ki té ni lachè menm kon lachè nou ki sé péchè, pou i té sa doubout pouvwa péché pou bon. Bondyé détwi pouvwa péché

Galécha 4:4

Mé lè tan-an Bondyé té mété-a wivé, i voyé Gasonʼy. I sòti an bouden an manman, i viv anba lwa sé Jwif-la

1 Timòfi 3:16

Sé lésisyon-an ki an wilizyon nou-an si tèlman gwan, nou pa sa janmen di yo pa vwé. Jézi vini an lachè-a kon yon nonm. Lèspwi-a fè nou wè tout sa Jézi té ka di-a sété lavéwité. Sé nanj-lan wèʼy. Moun pwéché Bon Nouvèl-la konsèné Jézi Kwi anpami sé nasyon-an. Sé an li moun toupatou mété konfyans yo. Apwé sa, Jézi mouté an syèl.

Hibrou 10:10

Nou ja jwenn péché nou lavé, paski Jézi Kwi té fè sa Bondyé té vléʼy fè lè i ofè kòʼy menm asou kwa-a yon sèl fwa, èk sakwifis sala té asé pou tout tan.

Hibrou 10:5

Sé pou wézon sala lè Jézi Kwi té pawé pou vini an latè-a, i di Bondyé: “Ou pa vlé sakwifis èk kado, mé ou ja pwépawé yon kò ban mwen.

Hibrou 11:7

Sété paski Nowa té ni lafwa an Bondyé ki fè i té kouté lè Bondyé té vètiʼy konsèné bagay ki té kay vini, bagay Nowa menm pʼòkò té wè. I obéyi Bondyé, i fè an batiman, èk sé batiman sala ki chapéʼy ansanm èk fanmiʼy. An mannyè sala tout lézòt moun an latè-a té kondanné, èk Nowa vini an nonm ki té dwèt an zyé Bondyé, paski i té ni lafwa.

Hibrou 12:28

Kon sa annou wimèsyé Bondyé paski nou ja wisivwè dwa pou kondwi épiʼy, èk sa pa kay janmen chanjé. Annou wimèsyéʼy èk adowéʼy adan an mannyè ki ka plèʼy. Annou wèspèktéʼy èk lapè,

Hibrou 13:20

Bondyé ja wésisité Jézi, Senyè nou, ki Gwan Gadyenn mouton-an. Sé li ki té mò pou siyé agwéman nèf-la èk sanʼy, agwéman-an ki pou tout tan-an. Atjwèlman mwen ka mandé Bondyé, ki ka bay lapé-a, pou baʼw tout bagay ki bon pouʼw sa fè tout sa i vléʼw fè. Mwen ka mandéʼy pouʼy sa twavay an nou pou fè nou fè sa ki ka plèʼy, paski Jézi Kwi mò kon yon sakwifis pou lapéti péché nou. Annou lévé non Jézi Kwi pou tout tan èk pou tout tan! Amèn.

Hibrou 2:14

Sé ich sala sé moun ki ni san èk lachè, kon sa Jézi menm vini an moun menm kon yo èk kon tout lézòt moun. Kon sa lè i mò, i kwazé pouvwa Denmou ki ni pouvwa anlè lanmò.

1 Jan 4:3

épi pyèsonn ki pa dakò Jézi vini an lachè-a pa ni Lèspwi Bondyé andidanʼy, mé sé lèspwi lèlmi Bondyé i ni, menm sa zòt tann ki té pou vini-an, épi apwézan i ja an latè-a.

2 Jan 1:7

Bon, an chay kwennad ja alé an latè-a, sa sé nonm ki di Jézi Kwi pa janmen vini an lachè-a. An moun kon sa sé an kwennad épi i sé lèlmi Jézi.