Hibrou 5:6 - Tèstèman nèf-la: Épi an posyòn an liv samz-la

⁶ Bondyé di an lòt koté an lévanjil-la ankò: “Ou sé an pwèt pou tout tan, menm kon Mèlkizidèk.”

Hibrou 5:6 ပူးပေါင်းရင်းမြစ်များ

Samz 110:4

Bondyé Senyè-a ja fè sèman èk i pa kay pwan pawòl li viwé. I di, “Ou sé an pwèt pou tout tan, an pwèt menm kon Mèlkizidèk.”

Hibrou 5:10

I fè sa paski Bondyé déklawé sé Jézi ki pli ho chèf pwèt-la, menm kon Mèlkizidèk.

Hibrou 6:20

I ja alé la pou lapéti nou èk i ja vini pli ho chèf pwèt pou tout tan, menm kon Mèlkizidèk.

Hibrou 7:11

Lè Bondyé té bay sé jan Izwayèl-la lwa-a, sété lafanmi Livay yonn ki té sa vini pwèt. Bon, si twavay yo kon pwèt té sa fè moun vini kon yo té sipozé yé, i pa té kay nésésè pou an lòt kalité pwèt vini, an pwèt ki menm kon Mèlkizidèk, mé pa kon Éronn ki té sòti an lafanmi Livay.

Hibrou 7:15

Nou ka wè sa pli aklè lè nou wè an lòt kalité pwèt vini ki menm kon Mèlkizidèk.

Hibrou 7:17

Sé pou sa lévanjil-la di: “Ou sé an pwèt pou tout tan, menm kon Mèlkizidèk.”

Hibrou 7:21

mé lè Jézi vini an pwèt, Bondyé fè an sèman, i di: “Mwen Bondyé Senyè-a ja fè an sèman èk mwen pa kay chanjé lidé mwen: ‘Ou sé an pwèt pou tout tan.’ ”

Hibrou 7:3

Pyèsonn pa sav kilès ki té manmanʼy ében papaʼy ében kilès ki té jennenwasyonʼy. Pyèsonn pa té konnèt koté i té fèt ében ki tan i té mò. I sé menm kon Gason Bondyé-a, i wèsté an pwèt pou tout tan.

Hibrou 7:8

Sé pwèt sala ki désandan Livay-la ka jwenn yonn an chak dis an sa sé moun-an ni, mé yo sé moun ki ka mò. Mé Mèlkizidèk, ki té aksèpté yonn an chak dis an sa Abrahanm té ni-an, kontiné ka viv, menm kon lévanjil-la di.