Filipay 2:10 - Tèstèman nèf-la: Épi an posyòn an liv samz-la

¹⁰ Kon sa tout sa ki an syèl-la, tout sa ki an latè-a, épi tout sa ki an plas-la koté sé mò-a yé-a kay tonbé asou jounou yo pou yo onnowé non Jézi,

Filipay 2:10 ပူးပေါင်းရင်းမြစ်များ

Samz 95:6

Vini èk annou tonbé an pyéʼy èk adowéʼy, annou ajounou an pyé Bondyé Senyè-a ki fè nou-an!

Mafyou 12:40

Menm mannyè Jonna té wèsté andidan bouden gwo pwéson-an pou twa jou épi twa swè, sé menm mannyè-a Gason Lézòm-lan kay wèsté anba tè-a pou twa jou épi twa swè.

Mafyou 27:29

Yo pwan bwanch pikan, yo fè an kouwonn épi yo météʼy asou tèt li. Yo mété on baton an lanmen dwèt li menm kon on wa, épi yo ajounou douvanʼy épi yo koumansé motjéʼy. Yo diʼy, “Viv wa sé Jwif-la!”

Mafyou 28:18

Jézi vini épi i di, “Bondyé ja ban mwen tout pouvwa asou tout sa ki an syèl épi sa ki asou latè-a.

Ronm 11:4

Mé mi kon sa Bondyé wéponn li, “Mwen ja mété asou koté pou mwen menm sèt mil nonm ki pʼòkò tounen do yo asou mwen pou adowé Bal.”

Èfésòs 1:10

Bondyé kay fè planʼy twavay lè lè-a wivé. I kay mennen tout bagay i fè ansanm, ni sa ki an syèl anho épi sa ki asou latè-a, épi Jézi kay mèt anho yo tout.

Èfésòs 3:14

Pou wézon sala, mwen ajounou douvan Papa nou ki an syèl.

Èfésòs 4:9

Lè lévanjil-la di i mouté anho, sa vlé di i té ja désann avan, adan twou-a ki pli fon asou latè-a.

Hibrou 1:6

Mé lè Bondyé té pawé pou voyé pwèmyé Gasonʼy-lan an latè-a, i di: “Sé pou tout nanj mwen adowéʼy.”

Wévélasyon 20:13

An tan sala lanmè-a ladjé tout moun mò ki té andidanʼy, épi lanmò èk plas-la koté sé mò-a yé-a ladjé tout moun mò yo té ni. Épi moun-an ki té asid asou gwan chèz blan-an jijé yo tout asou sé bagay-la yo té ja fè-a.

Wévélasyon 4:10

Menm kon yo té ka fè sa, vennkat gwan nonm-lan tonbé ajounou èk yo té bésé tèt yo atè pou adowé moun-an ki té asid asou gwan chèz wa-a, moun-an ki ka viv pou tout tan èk pou tout tan-an. Yo tiwé kouwonn yo èk yo météʼy atè douvan gwan chèz-la épi yo chanté on chanté. Yo di:

Wévélasyon 5:3

Mé la pa té ni pyès moun an syèl-la ni an latè-a ni koté sé mò-a yé-a ki té vo pou té ouvè liv sala èk pou té gadé andidanʼy.