Èfésòs 2:20 - Tèstèman nèf-la: Épi an posyòn an liv samz-la

²⁰ Zòt menm sé tjò an kay sala, sa sé menm kay-la sé zapòt-la épi sé pwòfèt-la té fè fondasyon bay-la, épi wòch-la ki ka bay kay sala kouway-la sé Jézi Kwi menm.

Èfésòs 2:20 ပူးပေါင်းရင်းမြစ်များ

Mafyou 16:18

Mwen ka diʼw, Pita, ou sé an wòch, épi asou fondasyon kayè sala mwen kay bati légliz mwen, épi pouvwa lanmò pa kay sa genyen a bout li.

Mafyou 21:42

Jézi di yo, “Ès ou pʼòkò li sa lévanjil-la di? I di, ‘Menm wòch-la sé nonm-lan ki té ka bati kay-la widjèkté-a, sé li ki tounen wòch-la ki pli enpòtan an kay-la. Sé Bondyé menm ki fè sa, épi sa sé an bèl bagay pou nou wè!’ ”

1 Kòrint 12:28

An légliz-la, Bondyé ja mété tout mòso an plas. Pwèmyéman zapòt, dézyenm sé sa ki ka wisivwè épi di konmisyon Bondyé-a, épi twazyenm sa ki ka enstwi lézòt. Apwé sa, sé sa ki ka fè miwak-la, sé sa ki ni pouvwa pou djéwi-a, sé sa ki pou édé lézòt-la, sé sa pou gadé apwé zafè légliz-la, épi sé sa pou palé adan an langaj ki étwanj-lan.

Galécha 2:9

Kon sa lè Jémz, Pita èk Jan, sé chèf-la zòt ka konsidiwé ki enpòtan-an, wè ki Bondyé té ni tèlman lagwas pou ban mwen twavay sala pou mwen fè, yo soukwé lanmen épi mwen èk Bannabas pou moutwé ki nou tout té ka twavay ansanm. Kon sa nou tout té dakò ki mwen épi Bannabas té kay pwéché anpami sé moun-an ki pa Jwif-la, épi yo menm té kay pwéché anpami sé Jwif-la.

Èfésòs 3:5

An tan avan, Bondyé pa té di moun konsèné plan sala, mé Bondyé ja fè Lèspwiʼy wévélé sigwé sala bay sé zapòt-la épi sé pwòfèt-la i ja mété apa pou sèviʼy-la.

Kòlòsé 2:7

Tjenn wasin zòt byen fon manché an Jézi. Bati lavi zòt asouʼy menm. Fè kò zòt fò an lafwa-a menm kon yo té moutwé zòt, épi sé pou zòt toujou moutwé mannyè zòt ka wimèsyéʼy an chay.

1 Pita 2:6

Kon lévanjil-la di, “Gadé, mwen ka plasé an wòch an vil mwen-an. Sé mwen ki chwaziʼy épi i ni an chay valè pou mwen. Sé li ki kay bay kay-la mwen ka fè-a kouway. Épi moun-an ki mété konfyans li asou wòch sala pa kay janmen hont.”

Wévélasyon 21:14

Fondasyon bawad vil-la té fèt anlè douz wòch. Anlè douz wòch sala té ni non douz zapòt Ti Mouton Bondyé-a.