2 Timòfi 2:18 - Tèstèman nèf-la: Épi an posyòn an liv samz-la

¹⁸ Yo ja kité chimen lavéwité-a épi yo ka distwé lafwa adan sé moun-an. Yo ka di tan-an moun té ka wésisité hòd lanmò-a ja pasé.

2 Timòfi 2:18 ပူးပေါင်းရင်းမြစ်များ

Mafyou 15:13

Jézi wéponn épi i di yo, “Papa mwen ki an syèl kay haché tout plan i pa planté.

Mafyou 22:29

Jézi wéponn yo épi i di, “Ou an lèwè lè ou di moun mò pa ka wésisité. Sé paski ou pa konnèt sa lévanjil-la di épi ou pa konnèt pouvwa Bondyé.

Louk 8:13

“Tè-a ki ni wòch-la, sa sé konpanni moun-an ki kontan tann pawòl-la mé pawòl-la pa antwé andidan yo pou i sa wasiné èvèk pou i sa pwofité. Yo byen kontan pou wisivwèʼy, mé yo ka kwè pou an ti mouman tousèl, èk lè pèsikasyon vini yo pa té entéwésé ankò.

Twavay 5:39

mé si sé Bondyé ki ba yo twavay sala, ou pa sa genyen a bout yo. Ou pé twouvé kòʼw ka goumen kont Bondyé menm.” Sé manm konsèy-la kouté Ganmalyèl.

1 Kòrint 11:19

Kanmenm la oblijé ni divizyon anpami zòt, kon sa tout moun kay wè aklè sé sa ki ka viv lavi ki dwèt-la épi tout tjè yo-a.

1 Kòrint 15:12

Bon, si nou ka pwéché ki Jézi ja wésisité hòd lanmò, ki mannyè adan ki anpami zòt ka di ki moun ki ja mò pa kay wésisité hòd lanmò?

Kòlòsé 3:1

Kon Jézi ja annékòz zòt pou viv ankò épiʼy-la, aché pou sé bagay-la Bondyé ja pwépawé bay zòt an syèl-la, koté-a Jézi ka asid asou lanmen dwèt Bondyé-a épi ka kondwi épiʼy-la.

1 Timòfi 1:19

Pa janmen pèd lafwa an Bondyé épi ni an bon konsyans. Adan nonm ja widjèkté sé pawòl sala épi yo ja détwi lafwa yo.

1 Timòfi 6:10

Paski lè on moun enmen lajan, sa sé pwèmyé pa pou tout kalité movèzté. Adan nonm té tèlman vivi dèyè lajan, yo tounen do yo asou lavéwité-a épi kasé tjè yo épi an chay penn.

1 Timòfi 6:21

Kalité kouyontwi sala ja fè adan yo pèd lafwa an Bondyé. Mwen ka mandé Bondyé pou bay zòt lagwas.

2 Timòfi 2:14

Toujou fè sé moun-an chonjé sé bagay sala. Vèti yo an pwézans Bondyé pou yo pa babyé konsèné mannyè pou di bagay. Sa pa ni valè, épi i ka donmajé sé moun-an ki ka kouté sé bagay sala.

Titòs 1:11

Sé pouʼw doubout sé vyé pawòl yo-a, paski yo ka kwazé an pil fanmi épi yo ka enstwi sa yo pa sipozé enstwi tout èspwé pou yo sa fè lajan adan an vyé mannyè.

Hibrou 3:10

Kon sa mwen té faché kont sé moun sala èk mwen di, ‘Sé moun sala toujou ka tounen do yo asou mwen èk yo ka wifizé obéyi konmandman mwen.’

Jémz 5:19

Fwè èk sè, si yonn an zòt kité chimen lavéwité-a èk an lòt fwè mennenʼy viwé ankò, pa obliyé,

1 Jan 2:19

Yo sòti anpami nou, mé yo pa té janmen ni menm lidé épi nou. Paski si yo té ni menm lidé épi nou, yo té kay kontiné épi nou. Mé yo sòti anpami nou, kon sa i kay asé klè yo tout pa ni menm lidé épi nou.