2 Kòrint 1:4 - Tèstèman nèf-la: Épi an posyòn an liv samz-la

⁴ Bondyé ka konsolé nou an tout twakasman nou. Épi kon i ka konsolé nou-an, nou sa konsolé lézòt an népòt twaka yo pé ni. Nou ka konsolé yo menm kon Bondyé ja konsolé nou.

2 Kòrint 1:4 ပူးပေါင်းရင်းမြစ်များ

Samz 32:5

Lè sala mwen konfésé péché mwen baʼw, mwen pa té séwéʼw movèzté mwen. Mwen di bay kò mwen, “Mwen kay konfésé tout fòt mwen bay Bondyé Senyè-a,” èk ou pawdonnen mwen èk ou pa pini mwen pou péché mwen.

Samz 32:7

Sé an ou mwen ka séwé. Ou kay délivwé mwen lè mwen an twaka. Mwen ka chanté fò pou fè moun konnèt mannyè ou délivwé mwen.

Liv Bon Nouvèl-la Jan Ékwi-a 14:16

Mwen kay mandé Papa mwen, èk i kay bay zòt an lòt moun pou édé zòt. Moun sala kay la épi zòt pou tout tan.

Liv Bon Nouvèl-la Jan Ékwi-a 14:18

“Lè mwen alé, mwen pa kay kité zòt kon manmay ki pa ni manman èk papa. Mwen kay viwé jwenn zòt.

Liv Bon Nouvèl-la Jan Ékwi-a 14:26

Mé Papa mwen kay voyé an moun an non mwen pou édé zòt. Moun sala sé Lèspwi Bondyé. I kay moutwé zòt tout bagay èk i kay fè zòt chonjé tout sa mwen té di zòt.

2 Kòrint 7:13

Sa ja ankouwajé nou an chay. Épi sé pa sa sèlman. Sé pa dé kontan nou té kontan lè nou wè mizi djèwté Titòs té ni paski zòt édéʼy mété lidéʼy pozé.

2 Kòrint 7:4

Mwen ni an chay konfyans lè mwen ka palé bay zòt. Zòt ban mwen djèwté an tjè mwen. Zòt ja ankouwajé mwen an chay an tout twakasman-an nou pasé-a. An véwité mwen kontan tèlman!

Filipay 1:14

Épi kon mwen an pwizon la-a, sa ka bay pwèskè tout sé fwè-a pli konfyans an Senyè-a épi apwézan yo ka vini pli bwav pou di moun konmisyon-an konsèné Jézi Kwi san lapè.

1 Tèsalonnika 4:18

Kon sa ankouwajé yonn a lòt épi sé pawòl sala mwen diʼw-la.

1 Tèsalonnika 5:11

Sé pou sa ou ni pou ankouwajé yonn a lòt èvèk édé yonn a lòt menm kon ou ka fè apwézan.

Hibrou 12:12

Kon sa viwé pwan kouway an lanmen zòt ankò paski yo ja ka vini fèb, èk viwé pwan fòs an jounou zòt ankò paski yo ja ka twanblé!