1 Timòfi 1:17 - Tèstèman nèf-la: Épi an posyòn an liv samz-la

¹⁷ Bondyé sé wa pou tout tan — i pa kay janmen mò, pyèsonn pa sa wèʼy, épi sé li yonn ki Bondyé — annou ba li lonnè épi adowéʼy pou lavi diwant. Ensiswatil.

1 Timòfi 1:17 ပူးပေါင်းရင်းမြစ်များ

Samz 45:1

Mwen ni an chay bèl pawòl ka vini an lidé mwen, kon mwen ka konpozé chanté sala bay wa-a. Menm kon an moun ki ka ékwi byen, lanng mwen pawé pou chanté.

Samz 45:6

Gouvèdman-an Bondyé ja ba ou-a kay doubout pou tout tan èk pou tout tan. Ou ka sèvi baton wa-a pou kondwi sé moun ou-an san pwéféwans.

Samz 90:2

Dépi avan ou fè sé mòn-an, èk avan ou fè latè-a èk tout sa ki andidanʼy, ou té toujou Bondyé èk ou kay toujou Bondyé pou tout tan.

Mafyou 25:34

“Lè sala wa-a kay di sé sa ki asou lanmen dwèt li-a, ‘Vini, ou menm ki té wisivwè bennédiksyon Papa mwen. Vini viv anba kondwit Bondyé èk wisivwè sé bennédiksyon-an i ja pwépawé baʼw dépi an koumansman latè-a.

Mafyou 28:20

épi enstwi yo pou obéyi tout sé bagay-la mwen ja konmandéʼw-la. Épi mwen kay toujou la épiʼw pou jis an bout latè-a.”

Mafyou 6:13

Pa kité nou tonbé anba tantasyon, mé délivwé nou anba lanmen Denmou-an.’

Liv Bon Nouvèl-la Jan Ékwi-a 1:18

Pyèsonn pa janmen wè Bondyé. Sèl Gason-an, ki sé menm èk Bondyé èk ki a koté Papaʼy, sé li ki fè moun konnèt Bondyé.

Liv Bon Nouvèl-la Jan Ékwi-a 5:44

Tjè zòt ka kontan lè zòt ka lévé non yonn a lòt, mé zòt pa ka fè anyen pou Bondyé lévé non zòt. Sé li yonn ki Bondyé. Kon sa ki mannyè zòt ka fè kwè mwen?

Ronm 1:20

Dépi tan Bondyé fè latè-a, moun sa konpwann aklè mannyè pouvwaʼy pa sa janmen fini épi i sé vwéman Bondyé. Sé kalité mannyè sala ou sa konpwann li byen. Moun sa konnèt sé bagay sala konsèné Bondyé asou sé bagay-la Bondyé ja fè-a. Pou wézon sala moun pa sa ni pyès èskiz pou sé bagay-la yo ka fè-a.

Ronm 1:23

Yo doubout adowé Bondyé-a ki pa ka janmen mò-a pou adowé imaj nonm fè ki ka sanm moun, jibyé, zannimo épi sèpan.

Ronm 11:36

Paski i sé Bondyé ki ja fè tout bagay, épi sé li ki ka tjenn tout bagay mannyè-a i vlé-a, èk tout bagay sé sa li. Annou ba li tout lonnè pou tout tan. Ensiswatil.

Ronm 16:27

Bon, Bondyé-a ki ka sèvi lasajès an tout bagay-la, annou ba li lonnè pou lapéti sa Jézi Kwi ja fè-a. Ensiswatil.

Ronm 2:10

Mé pou sé sa ki ka fè bon-an, Bondyé kay di tout bèl bagay konsèné yo, épi i kay ba yo lonnè èk lapé, sé Jwif-la avan épi sé sa ki pa Jwif-la osi,

Ronm 2:7

Sé sa ki ni pasyans kon yo ka chaché pou sé bèl bagay-la Bondyé kay di konsèné yo an dènyé tan-an épi lonnè-a i kay ba yo-a, yo kay jwenn lavi étonnèl.

Kòlòsé 1:15

Jézi-a ki vini an lachè-a, i menm kon Bondyé-a nou pa ka wè pyès-la. Sé li ki pwèmyé Gason Bondyé, épi i èkzisté avan tout lòt bagay ki janmen fèt.

Hibrou 11:27

Sété paski Moziz té ni lafwa an Bondyé ki fè i té kité Éjip san i té pè waj wa-a. Sé akonmsi i té wè Bondyé-a pyèsonn pa ka wè-a, èk i wifizé pou déviwé Éjip.

Hibrou 2:7

Ou météʼy pli ba pasé sé nanj-lan pou an ti tak tan, mé ou onnowéʼy èk ou lévé nonʼy menm kon on wa.

1 Pita 5:11

Bondyé ka kondwi pou tout tan épi tout tan. Ensiswatil.

2 Pita 3:18

Sé pou zòt kontiné ka viv an lagwas épi lakonpwann-an Senyè épi Sovè nou Jézi Kwi ka bay-la. Annou ba li tout lonnè ni apwézan épi pou tout tan. Ensiswatil.

1 Jan 4:12

Pyèsonn pʼòkò janmen wè Bondyé. Mé si nou ni lanmityé pou yonn a lòt, Bondyé kay wèsté an tjè nou épi nou kay plen épi lanmityéʼy.

Joud 1:25

— sa sé sèl Bondyé-a, ki sèvi Jézi Kwi Senyè nou pou sové nou-an — tout klèté sé sa li. Sé li ki wa, sé li ki ka kondwi tout bagay épi sé li ki ni tout lotowité dépi avan tan koumansé épi apwézan èk pou tout tan. Ensiswatil.

Wévélasyon 15:3

Yo té ka chanté chanté Moziz, sèvant Bondyé-a, ansanm épi chanté Ti Mouton-an. Chanté-a té ka di: “Sé ou Bondyé ki Senyè nou, sé ou ki ni tout pouvwa. Twavay ou gwan an chay. Yo ka fè moun wèsté bouch gwan ouvè. Ou sé wa tout nasyon ki an latè-a. Twavay ou dwèt èk yo sé lavéwité.

Wévélasyon 17:14

Yo kay fè ladjè kont Ti Mouton Bondyé-a, mé Ti Mouton-an èk sé moun li-an kay genyen yo paski sé li ki Wa tout wa èk Mèt tout mèt. Sé moun li-an sé moun i té kwiyé, moun i té chwazi, èk moun ki toujou ka kwè an li.”

Wévélasyon 19:1

Apwé sa, mwen tann an dézòd kon vwa an pil moun an syèl-la. Yo té ka hélé fò èk yo té ka di, “Alélouya! Annou lévé non Bondyé! Sé li ki sové nou, sé li ki ni tout pouvwa!

Wévélasyon 19:16

Asou had li épi asou tjwis li té ni an non ékwi. Non-an sé “Wa tout wa èk Mèt tout mèt.”

Wévélasyon 19:6

Apwé sa, mwen tann sé moun-an ankò. Son-an yo té ka fè-a té menm kon son on lawivyè gwo épi i té menm kon son on gwo kout loway. Yo di, “Alélouya! Sé Bondyé ki Senyè nou. Sé li ki ni tout pouvwa-a èk sé li ki ka kondwi.

Wévélasyon 7:12

Yo di, “Sa vwé! Annou lévé non Bondyé nou-an èk di ki mizi bon i bon. Annou onnowéʼy èk wimèsyéʼy. Sé li ki konnèt tout bagay, sé li ki ni tout pouvwa èk fòs. Kitéʼy kondwi pou tout tan èk pou tout tan! Amèn!”