1 Pita 1:24 - Tèstèman nèf-la: Épi an posyòn an liv samz-la

²⁴ Kon lévanjil-la di, “Tout lézòm sé kon zèb, épi tout bèlté yo menm kon flè zèb. Zèb-la ka vini mò, épi flè-a ka annèk tonbé.

1 Pita 1:24 ပူးပေါင်းရင်းမြစ်များ

Samz 103:15

Lavi nou sé menm kon zèb-la. Nou ka pwofité èk nou ka vini bèl kon an flè ki an savann-an,

Samz 37:2

Talè yo kay dispawèt menm kon lè zèb ka sèk. Yo kay mò menm kon pyé bwa ki ka fennen.

Samz 90:5

Ou ka fè lavi lézòm bout sibitman, ou ka fè yo pasé menm kon yon wèv, menm kon zèb ki ka lévé lé bonmaten,

Mafyou 6:30

Sé Bondyé ki ka abiyé sé zèb-la ki an savann-an, sé zèb-la ki la jòdi-a épi denmen yo pa la. Yo ka koupéʼy pou chofé fou. Ès Bondyé pa kay pwan kaʼw pli mèyè pasé sé zèb-la ki an savann-an? Pa dé fèb lafwaʼw fèb!

Jémz 4:14

Ou pa menm sav sa ki kay fèt denmen! Laviʼw sé menm kon an vapè ki pawèt pou an ti mouman èk la menm i dispawèt.

1 Jan 2:17

Épi latè-a épi tout sé bagay-la ki andidanʼy-lan moun anvi-a kay fini anyen, mé moun-an ki fè sa Bondyé vléʼy fè-a kay viv pou tout tan.