1 Kòrint 7:30 - Tèstèman nèf-la: Épi an posyòn an liv samz-la

³⁰ sa ki ka pléwé, akwèdi yo pa té ka pléwé; sa ki ka wi, akwèdi yo pa té ka wi; sa ki achté machandiz, akwèdi, sé machandiz-la yo achté-a pa menm sa yo;

1 Kòrint 7:30 ပူးပေါင်းရင်းမြစ်များ

Louk 16:25

“Abrahanm diʼy, ‘Ich mwen, chonjé lè ou té asou latè, ou té ka jwenn tout sé bon bagay-la épi Lazaròs té ka jwenn tout sé vyé bagay-la? Ében, apwézan i an lakontantman èk ou an soufwans.

Louk 6:21

Pa dé bon i bon pou zòt ki fen pou bagay Bondyé apwézan, paski zòt kay satisfè. Pa dé bon i bon pou zòt ki ka pléwé apwézan, paski zòt kay wi.

Louk 6:25

Ki mizi téwib i kay téwib pou zòt ki ka byen manjé apwézan, paski zòt kay fen! Ki mizi téwib i kay téwib pou zòt ki ka wi apwézan, paski zòt kay pléwé èk zòt kay an twistès!

Liv Bon Nouvèl-la Jan Ékwi-a 16:22

Sé kon sa i kay yé épi zòt. Apwézan zòt an lapenn, mé mwen kay wè zòt ankò, épi zòt kay ni lajwa, lajwa-a pyèsonn pa sa tiwé-a.

1 Kòrint 7:29

Fwè èk sè, sa mwen vlé di-a sé sa — dènyé tan-an kay bout touswit, épi dépi apwézan sé nonm mayé-a sipozé viv akwèdi yo pa mayé;

1 Kòrint 7:31

épi sa ki ka antanmé zafè latè-a, akwèdi yo pa ni anyen pou fè épiʼy. Paski latè sala, kon i yé apwézan-an, pa kay diwé djè lontan ankò.

Wévélasyon 18:7

I té wich èk i achté tout sa i té vlé. I té ka kwè i anho tout moun. Kon sa ba li soufwans èk lapenn pou menm otan wichès i ni. I ka di an tjèʼy: ‘Sé mwen ki wenn, èk mawi mwen pa mò. Mwen pa kay janmen ni lapenn!’

Wévélasyon 7:17

paski Ti Mouton-an ki doubout an mitan koté-a ki ni gwan chèz wa-a kay gadé yo menm kon on gadyenn ka gadé moutonʼy. I kay mennen yo an sous dlo-a ki ka bay lavi-a, épi Bondyé kay swiyé tout dlo ki an zyé yo.”