1 Kòrint 5:7 - Tèstèman nèf-la: Épi an posyòn an liv samz-la

⁷ Zòt ni pou tiwé vyé lèlven-an anpami zòt. Lè sala zòt kay wèsté kon an konpanni lapat ki fwé, san lèlven. Paski Jézi, ki ti mouton Fèt Délivwans nou-an, ja ofè kòʼy kon sakwifis-la ban nou.

1 Kòrint 5:7 ပူးပေါင်းရင်းမြစ်များ

Mafyou 13:33

Jézi di sé moun-an an lòt pawabòl ankò. I di, “Mannyè Bondyé ka kondwi sé moun li-an sé menm kon lèlven an madanm pwan épi i méléʼy épi on dimi sak fawin fwans pou fè tout lapat-la lévé.”

Liv Bon Nouvèl-la Mak Ékwi-a 14:12

Asou pwèmyé jou-a sé Jwif-la té ka manjé pen ki fèt san lèlven, jou-a yo ka tjwé ti mouton pou yo sa manjé an fèt-la, sé disip-la mandé Jézi, “Ki koté ou vlé nou alé pou nou sa pwépawé wipa Fèt Délivwans-lan baʼw?”

Liv Bon Nouvèl-la Jan Ékwi-a 1:29

An li denmen, Jan Batis wè Jézi ka vini koté i té yé-a. I di, “Mi Ti Mouton Bondyé-a. Sé li Bondyé voyé pou tiwé péché an latè-a!

Liv Bon Nouvèl-la Jan Ékwi-a 1:36

Lè i wè Jézi ka pasé, i di, “Mi Ti Mouton Bondyé-a!”

Liv Bon Nouvèl-la Jan Ékwi-a 19:14

I té pwèskè midi, jou avan Fèt Délivwans-lan. Pilat di sé Jwif-la, “Mi wa zòt-la!”

Ronm 3:25

Bondyé ofè Jézi kon sa Jézi té kay moun-an ki té kay pawdonnen péché nonm. Jézi fè sa lè i té mò, épi péché nonm pawdonnen lè yo mété lafwa yo an li. Bondyé fè sa pou moutwé nou i té vlé mété nonm dwèt épiʼy. An tan avan, lè moun péché Bondyé pwan pasyans épi yo épi i pa di anyen.

1 Kòrint 10:17

Kon la ni yon sèl pen, menm si la ni nou an chay, nou sé yon sèl kò, paski nou tout ka sépawé menm pen-an.

Èfésòs 4:22

Mété dèyè do zòt vyé kawaktè zòt-la, paski vyé mannyè sala zòt té ka viv avan-an té ka détwi lavi zòt kon i té ka annékòz zòt pou ni sé kalité dézi-a ki ka fè moun pwan vyé chimen.

Wévélasyon 5:12

Sé nanj-lan chanté fò épi yo di: “Ou, Ti Mouton-an yo té ja tjwé-a, vo pou nou sa wimèsyéʼw, paski ou ni tout pouvwa, tout wichès, tout fòs, èk ou konnèt tout bagay. Sé pou tout moun lévé nonʼw épi sé pou yo di ki mizi bon ou bon!”