1 Kòrint 4:4 - Tèstèman nèf-la: Épi an posyòn an liv samz-la

⁴ Konsyans mwen klè, mé sa pa vlé di mwen inosan nètaman. I sé Senyè-a ki kay pasé jijman asou mwen.

1 Kòrint 4:4 ပူးပေါင်းရင်းမြစ်များ

Samz 130:3

Si ou té ka ékwi tout péché nou, Bondyé Senyè, kilès ki té kay sa chapé anba kondannasyonʼw?

Samz 19:12

Ki mannyè mwen kay fè konnèt tout sé lèwè-a ki ka séwé an tjè mwen-an? Senyè, lavé sé fòt-la mwen fè san mwen sav-la!

Liv Bon Nouvèl-la Jan Ékwi-a 21:17

Jézi mandéʼy pou twazyenm kou-a, “Simon gason Jan, ès ou enmen mwen?” Sa té fè Pita lapenn paski i té mandéʼy sa pou twa kou. Kon sa i di Jézi, “Senyè, ou konnèt tout bagay, ou sav mwen enmenʼw.” Jézi diʼy, “Ében swen sé mouton mwen-an.

Twavay 23:1

Pòl gadé sé manm konsèy sé Jwif-la an mitan zyé épi i di yo, “Fwè mwen, mwen toujou té ka fè sa mwen té kwè ki bon douvan Bondyé épi pou jis jòdi-a konsyans mwen pa janmen bat mwen.”

Ronm 2:13

Bondyé pa ka mété moun dwèt épiʼy paski yo ka kouté lè lwa-a ka li, mé i ka mété moun dwèt épiʼy lè yo fè sa lwa-a di yo pou fè.

Ronm 4:2

Si Bondyé mété Abrahanm dwèt épiʼy pou lapéti sa Abrahanm fè, i té sa bavadé, mé pa douvan Bondyé.

1 Kòrint 4:3

Pou mwen menm, menm si zòt ében pyès lòt jan latè sala pasé jijman asou mwen, sa pa enpòtan. Mwen pa menm ka jijé kò mwen.

1 Kòrint 4:5

Kon sa zòt pa sipozé pasé jijman asou pyèsonn avan jou jijman-an wivé. Dènyé jijman-an pa kay avan Senyè-a viwé. I kay fè tout moun wè tout sé sigwé-a ki té séwé an nwèsè-a, épi i kay mennen an klèté-a tout sé bagay-la ki adan tjè an moun, épi lè sala Bondyé kay bay tout nonm lonnè-a yo méwité-a.

2 Kòrint 1:12

An tjè nou menm, nou sav an tout bagay nou ja fè an latè sala nou ja fèʼy épi an tjè ki onnèt épi san fòt, épi sé Bondyé ki ban nou tjè sala. Sé kon sa nou ja aji épi tout moun — èspwèsman épi zòt. Nou kontan an chay pou sa. Mé pou byen diʼw, sé lagwas Bondyé ki fè nou fè sa, épi sé pa épi lasajès nonm.

2 Kòrint 5:10

Nou tout ni pou pawèt douvan Jézi épi i kay jijé nou chak pou sé bon bagay-la ében pou sé mové bagay-la nou fè-a paditan nou ka viv an kò sala.