1 Kòrint 13:9 - Tèstèman nèf-la: Épi an posyòn an liv samz-la

⁹ Paski sa nou konnèt épi abilité-a nou ni pou di konmisyon Bondyé-a pʼòkò fini bon.

1 Kòrint 13:9 ပူးပေါင်းရင်းမြစ်များ

Samz 139:6

Mwen pa sa konpwann ki mannyè ou fè konnèt mwen byen kon sa, katjil ou twò ho pou mwen.

Mafyou 11:27

Jézi di sé moun-an, “Papa mwen ja ban mwen tout bagay. Pyèsonn pa konnèt Gason-an antiwan Papa-a, épi pyèsonn pa konnèt Papa-a antiwan Gason-an èk moun Gason-an vlé fè konnèt Papa-a.

Ronm 11:34

Kon i ékwi an lévanjil-la, “Ki moun ki konnèt mannyè Bondyé ka katjilé? Ében ki moun ki ka édéʼy fè disizyon?

1 Kòrint 13:10

Mé lè sa ki pawfé-a vini, sa ki pʼòkò bon asé an nou-an kay fini anyen.

1 Kòrint 13:12

Sa nou ka wè apwézan-an sé menm kon an imaj nou ka wè toub adan an miwè. Mé an tan ki ka vini nou kay wè tout bagay aklè. Mwen pʼòkò fini konpwann tout bagay konsèné Bondyé, mé mwen kay konpwann tout bagay menm kon Bondyé konpwann tout bagay konsèné mwen.

1 Kòrint 2:9

Mé kon lévanjil-la di, Sa zyé pʼòkò wè épi zòwèy pʼòkò tann épi sa ki pʼòkò antwé an tjè nonm, sé sa Bondyé pwépawé bay sé moun-an ki enmenʼy-lan.

1 Kòrint 8:2

Sé sa ki kwè yo konnèt an bagay-la pa djè konnèt kon yo sipozé pou té konnèt.

Èfésòs 3:8

Magwé mwen pli ba pasé moun-an ki dènyé an sé ich Bondyé-a, mé sé mwen Bondyé bay pwivilaj-la pou pwéché bay sé nasyon-an ki pa Jwif-la Bon Nouvèl-la ki di, wichès Jézi ni tèlman valè nou pa sa menm fini katjilé asou sa.

1 Jan 3:2

Sé bon jan mwen-an mwen kontan an chay-la, apwézan nou sé ich Bondyé. Nou pa fini sav ki mannyè nou kay yé, mé nou sav lè i kay viwé, nou kay menm kon li, paski nou kay wèʼy menm kon i yé-a pou vwé.