Matiyu 11:25 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

²⁵ Owi ɔbono Yesu san ɔ kya tɔgɛ Wurubuaarɛ ɔkalan konkonsɛ mɔ so ilaa ɔ sa asa mɔ, Yesu gi faala Wurubuaarɛ yɛɛ, “Me-sɛ, soso de gɛsinkpan pɛwu Wura, n kya faala fo yɛɛ fo kyu gɛnen ilaa idɛ ŋara abono mɛ nyi ɔlaako mɔ de abono mɛ sɛɛ mɔ, ne fo san lɛɛ imɔ-gɛwi nyiile daa nbii de asa abono mɛ mɛŋ nyi gisɛɛ mɔ.

Matiyu 11:25 ပူးပေါင်းရင်းမြစ်များ

Matiyu 16:17

Nfono ne Yesu gi tɔgɛ sa mɔ yɛɛ, “Fo Simon, Gyoona mɔ-bi, fo gyɛ omudɛnsɛbo! I mɛŋ gyɛ nyamesɛ ne n lɛɛ ilaa idɛ nyiile fo. Me-sɛ Wurubuaarɛ ɔbono ɔ bo soso mɔ ne n lɛɛ nyiile fo gɛnen.

Matiyu 21:16

ne mɛ taasɛ Yesu yɛɛ, “Ibono adɛ mɛ kya tɔgɛ faa, foŋ kya nu de foꞌ gya mɔmɔ?” Yesu gi lɛɛ gɛnɔ sa mɔmɔ yɛɛ, “N kya nu kyɔde. Wurubuaarɛ agyɛbi ako a tɔgɛ yɛɛ, ‘Nbii de abono mɛ san ma‑a nyabo mɔ ne fo yɛgɛ mɛ kya yen fo de iꞌ tansi gyi fo-ginsi.’ Imɔso fɛŋ ti kalɛ nno?”

Luka 22:42

Ɔ dalaa yɛɛ, “Me-sɛ, nengyene fo laa kyule mɔ, nkana yɛgɛ awɔrɔfɔɔ abono a kya ba me so faa aꞌ kyon gibaafon. Nɛ dabɔlɛ kolɛ gɛnen faa, i mɛŋ gyɛ me-lɛɛ gɛlaarɛ ne gɛꞌ wɔra. Fo-lɛɛ gɛlaarɛ ne gɛꞌ wɔra.” [

Luka 23:34

Nfono ne Yesu gi dalaa kolɛ Wurubuaarɛ sa abono mɛ da mɔ aŋanbi mada de oyii mɔ yɛɛ, “Me-sɛ, kyu kyɛɛ mɔmɔ. Mɛ mɛŋ nyi ilaa ibono mɛ kya wɔra faa.”] Mɛ wɔra ilaa idɛ pɛwu ta mɔ, mɛ yɛ mɔ-nyoro so atɔ kyu. Mɛ kya yɛ atɔ mɔ mɔ, mɛ too ilaa iko kerɛ. Ɔbono i yii de mɔ mɔ, o kyu.

Gyɔn 11:41

Nfono mɔ, mɛ belen gibui belɛ mɔ lii folɛbɔ mɔ gɛbunono, ne Yesu gi diirɛ mɔ-ansi kerɛ soso ne ɔ faala Wurubuaarɛ yɛɛ, “Me-sɛ, foꞌsun, fɛɛ fo nu me asɛ.

Gyɔn 12:27

“Idɛ kon, me-gisen dɔ i kya dɛɛ me fɛɛ ɔgya. Nnɛ ne nan tɔgɛ ne? Nꞌ kolɛ me-sɛ yɛɛ ɔꞌ mɔlɛgɛ me de awɔrɔfɔɔ abono a kya ba me so faa aꞌ kyon gibaafon abɛɛ? Kuaa. Gɛnen awɔrɔfɔɔ adɛ so ne nɛ ba gɛsinkpan so.”

Gyɔn 12:28

Yesu gi dalaa kolɛ Wurubuaarɛ yɛɛ, “Me-sɛ, lɛɛ fo-nyisigyi gɛwi.” Ɔ dalaa gɛnen mɔ, gigyɛbiꞌ giko gi lii Wurubuaarɛ dɔ tɔgɛ yɛɛ, “Nɛ ti wolaa lɛɛ me-nyisigyi gɛwi nyiile, ne nan kii lɛɛ mɔ gɛwi.”

Yesu Isɔɔ 17:24

Mɔ ne n gyɛ Wurubuaarɛ ɔbono ɔ lɛɛ gɛsinkpan de ilaa kamaasɛ ibono pɛwu i bo gɛmɔ dɔ mɔ. Mɔ ne n gyɛ Wura sa soso de gɛsɛ, imɔso iŋ gyɛ ɔsonten ɔbono nyamesɛ gi kyu mɔ-abaa pɔrɔ mɔ ne Wurubuaarɛ laa kyu wɔra mɔ-ɔkyenaten.

1 Korinti 2:10

Aye abono a kya ka gyan Yesu so mɔ, gɛnen ilaa idɛ ne Wurubuaarɛ gi lɛɛ nyiile aye. Ɔ lɛɛ imɔ nyiile aye naa daa de mɔ-Oduduu mɔ so. I lii fɛɛ mɔ-Oduduu mɔ ne n kya kerɛ ilaa kamaasɛ dɔ dabɔlɛ Wurubuaarɛ gisen dɔ ilaa wu sɔnlii.

2 Korinti 3:14

Iŋ gyɛ yɛɛ Mosisi gi wɔra ɔmɔ ilaa nyɛnyɛn berɛ. Naafo ɔ mɛŋnan kyu ilaa iko bun mɔ-ansi gɛnen owi ɔbono gbaa mɔ, Isirale awura mɔ nwɔnsa dɔ i maŋ dabɔlɛ bugi. Wurubuaarɛ nbara nbono ɔ tɔgɛ yela de iꞌ yɛgɛ mɔ‑rɛ asa mɛꞌ wɔra gɛnɔ dedaa mɔ, fɛŋ kya wu yɛɛ Isirale awura mɔ mɛ kya kalɛ nmɔ mɔ, mɛŋ kya nu gɛsɛ baa lii de ndɛ? Mɛ maŋ wolaa nu gɛsɛ daa. I wɔra fɛɛ ilaa ibono Mosisi gi kyu bun mɔ-ansi mɔ ɔnan i bun ɔmɔ-ansi. I kya nyiile yɛɛ kyu naa de Yesu Kirisito wolɛ so ne gɛnen ilaa ibono i kya bugi lii asa ansi so de mɛꞌ nyɛ wu de mɛꞌ nu Wurubuaarɛ gɛsɛ.