Maako 7:25 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

^25-26 Mɔ‑rɛ mɔ-giloo mɔ, ɔkyii ɔko gi nu mɔ so. Ilaa nyɛnyɛn oduduu i tɛ gɛnen ɔkyii mɔ mɔ-bi kyiisɛ so. Ɔkyii mɔ gi baa kpelegɛ dɛ Yesu ayaa dɔ, ne ɔ kolɛ mɔ yɛɛ ɔꞌ gya gɛnen ilaa nyɛnyɛn oduduu mɔ koso mɔ-bi mɔ so sa mɔ. Ɔkyii mɔ gi lii Sirofinisiya gɛsinkpan so. Ɔŋ gyɛ asa abono mɛ kya son Wurubuaarɛ mɔ dɔ isa.

Maako 7:25 ပူးပေါင်းရင်းမြစ်များ

Matiyu 15:22

Ɔkyii ɔko tɛ nno, ɔ gyɛ daa Keenakyii. O nu Yesu so. Imɔso ɔ naa ɔ kya kpe mɔ asɛ mɔ, ɔ kya kpen ɔ kya kolɛ mɔ yɛɛ, “Me-wura, Deefidi ɔnaanabi, su me so! Ilaa nyɛnyɛn oduduu tɛ me-bi kyiisɛ so, i kya nyala mɔ gikyɔ!”

Maako 1:40

Okononbu ɔko gi ba Yesu asɛ baa ŋmii mɔ-ayaa dɔ ne ɔ tɔgɛ mɔ yɛɛ, “Nengyene i gyɛ fo-gɛlaarɛ dɔ mɔ, fo laa taalɛ kyɛ me.”

Maako 5:33

Ɔkyii mɔ nyi ilaa ibono i wɔra mɔ-nyoro dɔ so mɔ, ɔ lii kpaa ŋmii Yesu ansi dɔ, ɔ kya seli gyin-gyin. I wɔra mɔ gifuu, ne ɔ tɔgɛ ilaa ibono i ba mɔ pɛwu gɛsintin sa Yesu.

Maako 7:24

Yesu gi koso lii nno kyon kpe gɛsinkpan gɛko so, gɛ sindi Taya [de Sidon isowolɛ]. Ɔ fo nno mɔ, ɔ kpaa loo gɛten gɛko dɔ. Ɔŋ kya laarɛ de ɔko oꞌ wu mɔ. Ɔŋ bo ŋara dɔ so mɔ, imɔ pɛwu i wɔra giyan.

Luka 17:16

Ɔ kpaa fo Yesu asɛ mɔ, ɔ kpelegɛ ŋmii mɔ-ayaa dɔ ɔ kya faala mɔ. Gɛnen okononbu baarɛ gyɛ daa Samariyanyen.