Luka 9:24 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

²⁴ I kya nyiile yɛɛ fo ɔbono fo laa kɔrɔsɛ fo-nkpa yela fo-gibaa so mɔ, Wurubuaarɛ asɛ gɛkyena ɔnan mɔ gɛ laa lii fo-gibaa. Ne fo ɔbono, mɔ, kyu lii me so ne fo-nkpa gi lii fo-gibaa mɔ, fo laa nyɛ Wurubuaarɛ asɛ gɛkyena.

Luka 9:24 ပူးပေါင်းရင်းမြစ်များ

Matiyu 10:39

Fo ɔbono fo kya kɔrɔsɛ fo-nkpa fii yela fo-gibaa so mɔ, Wurubuaarɛ asɛ gɛkyena ɔnan mɔ gɛ laa lii fo-gibaa. Ne fo ɔbono, mɔ, kyu lii me so ne fo-nkpa gi lii fo-gibaa mɔ, fo laa nyɛ Wurubuaarɛ asɛ gɛkyena.

Luka 17:33

Ɔbono ɔ laa kɔrɔsɛ mɔ-nkpa yela mɔ-gibaa so mɔ, Wurubuaarɛ asɛ gɛkyena gɛ laa lii mɔ-gibaa, ne ɔbono, mɔ, kyu lii me so ne mɔ-nkpa gi lii mɔ-gibaa mɔ, kaasɛ mɔ laa nyɛ Wurubuaarɛ asɛ gɛkyena.

Gyɔn 12:25

Imɔso fo ɔbono fo-nkpa ne n tiri fo ne fo kya kɔrɔsɛ nmɔ fi‑i yela fo-gibaa so mɔ, Wurubuaarɛ asɛ gɛkyena gɛ laa lii fo-gibaa. Ne fo ɔbono, mɔ, Wurubuaarɛ ilaa so ne fo yɛɛ fo-nkpa giŋ tiri fo gɛsɛ gɛrɛ mɔ, fo kya baala nmɔ fi‑i yela de foꞌ nyɛ Wurubuaarɛ asɛ gɛkyena gɛkpaa ne.

Hiiburu 11:35

Akyii abono mɛ sɔɔ Wurubuaarɛ gyi mɔ ako mɛ nyɛ mɔmɔ-subuana abono mɛ wuꞌ mɔ mɛꞌ kii kyingi lii ibuni dɔ. Ako, mɔ, ibono mɛ sɔɔ Wurubuaarɛ gyi so mɔ, asa mɛ ka mɔmɔ-ansi, kaaborɛ mɛ kyu wuꞌ. I lii fɛɛ mɛ mɛŋ taa mɔmɔ-gisɔɔgyi mɔ yɛgɛ. Mɛ nyi yɛɛ nengyene gɛnen so ne mɛ laa taa gɛsinkpan so gɛkyena yɛgɛ mɔ, gɛkaako Wurubuaarɛ laa kyingi ɔmɔ de mɛꞌ nyɛ gɛkyena gɛbono gɛ boran don gɛdɛ mɔ.

Gilɛɛnyiile 12:11

Ilaa ibono so Wurubuaarɛ asonbo mɔ mɛ taalɛ nyɛ ɔlon ilaa nyɛnyɛn pɛwu gɛmu mɔ so gɛnen mɔ ne n gyɛ yɛɛ Yesu, Wurubuaarɛ sandɛ mɔ, gi wuꞌ kyɛɛgɛ mɔ-nkalan fuɛ sa mɔmɔ, ne mɛ lɛɛ Wurubuaarɛ gɛsintin gɛbono mɛ nyi mɔ tɔgɛ sa asa. Mɛ taalɛ kyule yɛɛ Yesu so mɔ, ba‑a mɛ laa mɔɔ mɔmɔ mɔ, mɛꞌ mɔɔ mɔmɔ.

Gilɛɛnyiile 2:10

Fɛ mɛŋ sa fɛꞌ selɛ ɔlaawusɛ ɔbono fɛ laa baa wu mɔ mɔ gifuu. Fɛꞌ nu! Me-ɔson mɔ so mɔ, ilaa nyɛnyɛn pɛwu gɛmu mɔ laa yɛgɛ asa mɛꞌ keda fɛye dɔ ako kpaa tii de obu de ɔꞌ soo fɛye idoo kerɛ yɛɛ fɛ laa taa me-ɔson mɔ yɛgɛ abɛɛ? Ɔ laa yɛgɛ fɛ laa wu ɔlaa nkɛ gudu. I ba gɛnen mɔ, ba‑a mɛ laa mɔɔ fɛye mɔ, mɛꞌ mɔɔ fɛye, fɛꞌ kpɛ keda gɛnɔɔbono fɛ dɛ mɔ dɔ kpaa lii. Fɛ wɔra gɛnen mɔ, afaala abono nan kyu faala fɛye mɔ, a gyɛ daa gɛkyena dɛnsɛ Wurubuaarɛ asɛ.