Gyɔn 6:66 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

⁶⁶ Lii gɛnen aberɛ abono mɔ, akasɛbo mɔ sakyɔ mɛ tɛɛ mɔmɔ-nyoro lii mɔ dɔ, mɛŋ baa mɛ naa buu mɔ.

Gyɔn 6:66 ပူးပေါင်းရင်းမြစ်များ

Matiyu 19:22

Ɔnyen mɔ gi nu gɛnen mɔ, mɔ-gisen dɔ i nyida mɔ, ne ɔ naa kyon. I kya nyiile yɛɛ ɔ tansi ɔ bo atɔ gikyɔ. Ɔ kerɛ mɔ, ɔ maŋ taalɛ wɔra gɛnen.

Luka 9:62

Ɔ kolɛ Yesu gɛnen mɔ, Yesu gi tɔgɛ sa mɔ yɛɛ, “Fo ɔbono fo yii gɛsɛ fo kya baalɛ baalɛ ne fo kya kpɛɛlɛ fɛ kya kerɛ fo-gɛmara mɔ, bii yɛɛ foŋ kaaborɛ foꞌ nyɛ ɔkyenaten Wurubuaarɛ gɛwuragyi mɔ dɔ ne.”

Gyɔn 2:2

Mɛ da gibaa terɛ Yesu mɔ‑rɛ mɔ-akasɛbo mɔ kee. Gɛsintin mɔ, mɛ kpe gɛdena mɔ gɛten.

Gyɔn 6:60

Akasɛbo mɔ mɛ nu ibono ɔ tɔgɛ mɔ, mɔmɔ dɔ asa sakyɔ mɛ tɔgɛ yɛɛ, “Ilaa idɛ berɛ, i bo lon. Anɛ ne nan taalɛ sɔɔ imɔ idɛ kyule?”

Gyɔn 6:64

Imɔ‑rɛ imɔ gɛnen mɔ, fɛye ako fɛŋ kya sɔɔ gyi.” Yesu gi tɔgɛ gɛnen mɔ, ɔ ti wolaa o nyi asa mɔ dɔ abono mɛ mɛŋ sɔɔ mɔ gyi mɔ de ɔbono ɔ laa yɛgɛ mɔ-akyobo mɛꞌ nyɛ mɔ mɔ.

Gyɔn 7:3

Gɛnen so mɔ, Yesu mɔ-tedɛana mɛ tɔgɛ sa mɔ yɛɛ, “Koso lii gɛrɛ de foꞌ kpe aye-isowolɛ gɛmu Gyudiya gɛsinkpan so de fo-akasɛbo mɛꞌ nyɛ wu ilaa gbaaꞌgbaa ibono fo kya wɔra mɔ de mɔmɔ-ansi.

Gyɔn 8:31

Yesu gi tɔgɛ sa Gyuda awura abono mɛ sɔɔ mɔ gyi mɔ yɛɛ, “Nengyene fɛ keda me-ilaa nyiilesɛ ibono n kya nyiile fɛye faa dɔ mɔ, fɛ gyɛ me-akasɛbo gɛsintin.

2 Timoti 1:15

Fɛɛ gɛnɔɔbono fo nyi mɔ, aye-nanboana abono pɛwu mɛ lii Esiya gɛsinkpan so mɔ mɛ yaasɛ taa me yɛgɛ. Mɔmɔ dɔ ako ne n gyɛ Figyilo de Hɛmogyinɛ.

2 Timoti 4:10

Deemasɛ gi san ɔ kya laarɛ daa gɛsinkpan gɛdɛ gɛkyena dɔ ilaa so mɔ, ɔ taa me yɛgɛ kyon kpe Tɛsalonika. Kirɛsɛnɛ gi kyon Galati, ne Taatusi, mɔ, gi kyon Damatiya.

Hiiburu 10:38

Ɔbono ɔ kya ka gyan me Wurubuaarɛ so mɔ ne nan kyu yɛɛ mɔ-gisen dɔ i boran. Gɛnen kaasɛ ɔbono ne nan nyɛ me Wurubuaarɛ asɛ gɛkyena. Ɔbono mɔ-gisɔɔgyi gi koso me so mɔ berɛ ɔ maŋ gyi me-ginsi.”

1 Gyɔn 2:19

Kirisito akyobo adɛ mɛ lii aye dɔ. Mɛŋ gyɛ aye dɔ. Nengyene fɛɛ mɛ gyɛ aye dɔ mɔ, nkana ɔfaanan mɛ san mɛ bo aye dɔ baa lii de ndɛ. Mɛ lii aye dɔ gɛnen daa de iꞌ nyɛ lɛɛ gɛwi nyiile tentegelen yɛɛ mɔmɔ pɛwu mɛ mɛŋ gyɛ aye dɔ.