Gyɔn 16:21 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

²¹ I laa wɔra fɛye fɛɛ owi ɔbono ɔkyii kya dun mɔ. Gɛnen owi ɔbono dɔ mɔ, ɔ kya yiyɛɛ, i kya nyiile yɛɛ gɛdun gɛ yii mɔ. Nengyene ɔ nyɛ ne ɔ korogɛ mɔ, ɔ kya tan mɔ-gɛyiyɛɛ mɔ so. Ɔŋ baa ɔ kya nyingi imɔ. I kya nyiile yɛɛ i kya wɔra mɔ ɔkon yɛɛ ɔ korogɛ nyamesɛ ba gɛsinkpan so.

Gyɔn 16:21 ပူးပေါင်းရင်းမြစ်များ

Galati 4:27

Fɛꞌ nyingi yɛɛ Sara ilaa ɔnan i bo Wurubuaarɛ agyɛbi dɔ yɛɛ, “Fo ɔbono foŋ ti korogɛ mɔ, yɛgɛ iꞌ wɔra fo ɔkon. Fo ɔbono foŋ ti da ɔtɔ mɔ, kpen de foꞌ wɔra ɔlanba de ɔkon. I kya nyiile yɛɛ fo ɔbono fo-kuli gi koso taa fo yɛgɛ mɔ, fo laa kii baa nyɛ nbii don ɔkyii ɔbono ɔ bo ɔnyen mɔ.”

1 Tɛsalonika 5:3

Owi ɔbono asa mɛ laa tɔgɛ yɛɛ, “Aye-nyoro gi tɔrɔ aye; sɛi maŋ baa wɔra aye” mɔ, nfono mɔ, awɔrɔfɔɔ a laa tu mɔmɔ faa poroko, fɛɛ gɛnɔɔbono gɛdun gɛ kya tu ɔtɔ wura mɔ. Gɛnen gɛkaabono mɔ, mɛ maŋ nyɛ ɔkpa selɛ lii awɔrɔfɔɔ abono dɔ.