Hiiburu 12:4 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

⁴ Ibono fɛ kya nyanga ansi fɛ kya kɔ fa‑a tii ilaa nyɛnyɛn giwɔra faa mɔ, fɛŋ ti kɔ kpaa fo ibono mɛ laa mɔɔ fɛye.

Hiiburu 12:4 ပူးပေါင်းရင်းမြစ်များ

Matiyu 24:9

“Gɛnen aberɛ abono mɔ, ibono fɛ gyɛ me-akasɛbo faa so mɔ, asa mɛ laa kyu fɛye wɔra ako abaa dɔ de mɛꞌ wɔra fɛye awɔrɔfɔɔ de mɛꞌ mɔɔ fɛye ako. Me so mɔ, asa kpɛi-kpɛi pɛwu mɛ laa kyo fɛye.

1 Korinti 10:13

Ilaa ibono i kya soo anyamesɛ idoo de mɛꞌ wɔra ilaa nyɛnyɛn mɔ, imɔ iko iŋ bo no yɛɛ imɔ ɔnan iŋ kya ba fɛye-nanboana anyamesɛ so kee. Wurubuaarɛ mɔ gyɛ ɔpaawɔrabo. Ɔ maŋ kyule de ilaa iko iꞌ soo fɛye idoo de iꞌ don fɛye-abaa. Ɔ laa yɛgɛ fɛꞌ nyɛ ɔkpa lii ɔdoo kamaasɛ dɔ de fɛꞌ taalɛ yelɛ fɛye-ayaa so kpaa lii.

Filipayi 2:8

O wu yɛɛ ɔ gyɛ nyamesɛ oyuduu gɛnen mɔ, ɔ bara mɔ-nyoro gɛsɛ ne o nu Wurubuaarɛ gɛdɛ kaaborɛ ɔꞌ nyɛ lɛwu gbaa. Lɛwu ɔbono ɔnan o kyule ne o wuꞌ mɔ gyɛ daa ipeeli lɛwu. Mɛ da mɔ aŋanbi oyii so mɔɔ.

Hiiburu 13:13

Imɔso aꞌ sɔɔ Yesu ɔson mɔ so awɔrɔfɔɔ abaa anyɔ de iꞌ wɔra fɛɛ aye kee a lii kpe mɔ asɛ nten nkan nfono ɔ kpaa lɛɛ asunbi mɔ de aꞌ kpaa sɔɔ ipeeli ibono o gyi aye so mɔ ɔnan sola.

Gilɛɛnyiile 12:11

Ilaa ibono so Wurubuaarɛ asonbo mɔ mɛ taalɛ nyɛ ɔlon ilaa nyɛnyɛn pɛwu gɛmu mɔ so gɛnen mɔ ne n gyɛ yɛɛ Yesu, Wurubuaarɛ sandɛ mɔ, gi wuꞌ kyɛɛgɛ mɔ-nkalan fuɛ sa mɔmɔ, ne mɛ lɛɛ Wurubuaarɛ gɛsintin gɛbono mɛ nyi mɔ tɔgɛ sa asa. Mɛ taalɛ kyule yɛɛ Yesu so mɔ, ba‑a mɛ laa mɔɔ mɔmɔ mɔ, mɛꞌ mɔɔ mɔmɔ.

Gilɛɛnyiile 17:6

Nɛ wu gɛnen ɔkyii mɔ mɔ, asa nkalan gi kya boo mɔ fɛɛ nta. I lii fɛɛ ɔ kya mɔɔ asa abono Wurubuaarɛ gi lɔrɔ mɔmɔ yela sa mɔ-nyoro mɔ de asa abono mɛ kya wu Yesu ilaa lɛɛ tɔgɛ mɔ. Nɛ wu ɔkyii mɔ gɛnen mɔ, i dɛ me-gɛnɔ gikyɔ.

Gilɛɛnyiile 18:24

Babilon ɔsowolɛ gisobiidɛ gi kya ba. I lii fɛɛ asa nkalan nbono gi nyida gɛsinkpan mɔ, Babilon ne n wɔra imɔ. Babilon ne n yɛgɛ ne Wurubuaarɛ ikalan atɔgɛbo, asa abono Wurubuaarɛ gi lɔrɔ mɔmɔ yela sa mɔ-nyoro mɔ, de asa abono pɛwu mɛ mɔɔ mɔmɔ gɛsinkpan so mɔ nkalan gi kyɛɛgɛ fuɛ.”

Gilɛɛnyiile 2:13

‘N nyi nfono fɛ tɛ mɔ. Satan, ilaa nyɛnyɛn pɛwu gɛmu mɔ, kya gyi gɛwura fɛye-ɔsowolɛ mɔ so. Fɛye abono fɛ kya son me mɔ berɛ, nɛ wu yɛɛ fɛ sii de me, fɛ mɛŋ kine me. Ba‑a Antipasɛ gɛkyena dɔ mɔ, fɛ mɛŋ kine me. Nkana ɔ kya gyi gɛsintin sa me, ne ɔ kya lɛɛ me-ilaa nyiile asa imɔ-ɔkpa so. Gɛnen so mɔ, mɛ mɔɔ mɔ fɛye-ɔsowolɛ mɔ so nfono Satan tɛ mɔ.