Hiiburu 1:13 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

¹³ Wurubuaarɛ gi tɔgɛ sa mɔ-bi mɔ yɛɛ, “Baa kyena me-gibaa gyisɛ so de me‑rɛ fo aꞌ gyi gɛwura de nꞌ yɛgɛ foꞌ kyise fo-akyobo de fo-ayaa.” Gɛkaako Wurubuaarɛ mɛŋ tɔgɛ gɛnen ilaa idɛ ɔnan sa Wurubuaarɛ dɔ isɔɔ mɔ ɔko‑rɛ ɔko.

Hiiburu 1:13 ပူးပေါင်းရင်းမြစ်များ

Matiyu 22:44

‘Wurubuaarɛ laa tɔgɛ sa me-Wura mɔ yɛɛ, “Baa kyena me-gibaa gyisɛ so de me‑rɛ fo aꞌ gyi gɛwura de nꞌ yɛgɛ foꞌ kyise fo-akyobo de fo-ayaa.” ’ ”

Maako 12:36

Yɛgɛ Wurubuaarɛ Oduduu mɔ gi nyiile Wura Deefidi ne mɔ gbaa-gbaa gi wolaa tɔgɛ kaasɛ mɔ ilaa yela yɛɛ, ‘Wurubuaarɛ laa tɔgɛ sa me-Wura mɔ yɛɛ, “Baa kyena me-gibaa gyisɛ so de me‑rɛ fo aꞌ gyi gɛwura de nꞌ yɛgɛ foꞌ kyise fo-akyobo de fo-ayaa.” ’ ”

Luka 19:27

I san abono mɛ gyɛ me-akyobo ne mɛ mɛŋ kya laarɛ nꞌ wɔra mɔmɔ-wura mɔ, fɛꞌ kyu mɔmɔ baa mɔɔ me-ansi dɔ gɛrɛnaa.’ ”

Luka 20:42

Yɛgɛ Deefidi gbaa-gbaa gi ti tɔgɛ kaasɛ mɔ ilaa wolaa yela. Ɔ tɔgɛ Wurubuaarɛ Ilon Ɔwolɛ mɔ dɔ yɛɛ, ‘Wurubuaarɛ laa tɔgɛ sa me-Wura mɔ yɛɛ, “Baa kyena me-gibaa gyisɛ so de me‑rɛ fo aꞌ gyi gɛwura

Yesu Isɔɔ 7:55

Sitiifen berɛ, Wurubuaarɛ Oduduu mɔ gi suu de mɔ so mɔ, ɔ diirɛ mɔ-ansi kerɛ soso yiridididi mɔ, o wu Wurubuaarɛ nyisigyi ne o wu Yesu yelɛ Wurubuaarɛ asɛ Wurubuaarɛ gibaa gyisɛ so.

Hiiburu 1:3

Mɔ‑rɛ Wurubuaarɛ mɛ gyɛ daa gidebi kolon; ne mɔ ne n kya lɛɛ Wurubuaarɛ nyisigyi gɛwi nyiile. Mɔ-gigyɛbi ɔlon belɛ dɔ ne ɔ kpɛ ɔ dɛ ɔ kya kerɛ ilaa kamaasɛ so. Mɔ ne n kpaarɛ anyamesɛ ilaa nyɛnyɛn fuɛ sa mɔmɔ. Ɔ wɔra gɛnen ta mɔ, o kpe ɔ tɛ Wurubuaarɛ ɔbono ɔ gyɛ Gitɔbelɛ mɔ asɛ, ɔ kya gyi gɛwura soso nno.

Gilɛɛnyiile 20:15

Nyamesɛ kamaasɛ ɔbono mɔ-ginyen giŋ bo Wurubuaarɛ asɛ gɛkyena ɔwolɛ mɔ dɔ mɔ, Wurubuaarɛ laa too mɔ wɔra gigyapadɛ mɔ dɔ.