Gilɛɛnyiile 19:18 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

¹⁸ Agyudɔ mɔ ne n gyɛ asa nyoro inun: awura-awura de asogya abelɛnsɛ de anyamesɛ alolonbo de ikɔ dɔ abee akɔbo abono mɛ gyan mɔmɔ so mɔ de anyamesɛ nyɛnyɛn pɛwu, dabɔlɛ abono mɛ tɛ mɔmɔ-gibaa so de abono mɛ tɛ awura asɛ mɔ, nbii de abelɛnsɛ pɛwu inun.”

Gilɛɛnyiile 19:18 ပူးပေါင်းရင်းမြစ်များ

Matiyu 24:28

Nfono gɛbuɛ wusɛ gɛ dɛ mɔ, nno ne ipatɛɛ mɛ kya da gikilen.

Luka 17:37

Yesu akasɛbo mɔ mɛ taasɛ mɔ yɛɛ, “Ɔbelɛnsɛ, fonɛ dɔ ne ilaa idɛ pɛwu i laa ba gɛnen?” Ne Yesu gi lɛɛ gɛnɔ yɛɛ, “Nfono gɛbuɛ wusɛ gɛ dɛ mɔ, nno ne ipatɛɛ mɛ kya da gikilen.”

Gilɛɛnyiile 11:18

Gɛsinkpan so asa kpɛi-kpɛi mɛ kyu ginyadon belɛ fo so. Fo‑o fo mɔ-lɛɛ ginyadon gi ba. Owi mɔ gi fo ibono fo laa koola anyamesɛ de foꞌ gyi ɔkamaasɛ ɔbono o wuꞌ mɔ nbɛlɛ, de foꞌ kyu ntɛɛla sa asa abono fo lɔrɔ mɔmɔ yela sa fo-nyoro mɔ de fo-ikalan atɔgɛbo de asa abono mɛ selɛ fo mɔ, abelɛnsɛ de nbii pɛwu. Owi mɔ gi fo ibono fo laa nyida abono mɛ nyida gɛsinkpan gɛmɔ‑rɛ gɛmɔ so asa mɔ.”

Gilɛɛnyiile 13:16

Gɛ laa yɛgɛ mɛꞌ daasɛ anyamesɛ pɛwu abaa gyisɛ so, abɛɛ mɔmɔ-asegbelɛ so; nbii de abelɛnsɛ, aterenbi awura de ayenbo, abono mɛ tɛ mɔmɔ-gibaa so de abono mɛ tɛ awura asɛ mɔ pɛwu.

Gilɛɛnyiile 17:16

Ase gudu abono fo wu mɔ de gɛdonbuɛ mɔ mɛ laa kyo ilaayankyii ɔbono ɔ yelɛ sa ɔsowolɛ mɔ. Mɛ laa sɔgɛ ilaa kamaasɛ lii mɔ asɛ de mɛꞌ naa taa mɔ yɛgɛ gibolonbukpan de mɛꞌ kyɔɔ-kyɔɔ mɔ-inun gyi de mɛꞌ kyu ɔgya dɛɛ mɔ.

Gilɛɛnyiile 19:5

Gɛnɔ gɛko gɛ lii Wurubuaarɛ gɛgyapaa mɔ asɛ kpen tɔgɛ yɛɛ, “Fɛꞌ yen aye-Wura Wurubuaarɛ! Fɛye abono pɛwu fɛ kya son mɔ ne fɛ selɛ mɔ mɔ, nbii de abelɛnsɛ pɛwu, fɛꞌ yen aye-Wura Wurubuaarɛ!”

Gilɛɛnyiile 6:15

Nfono mɔ, awura abono mɛ kya kerɛ nsinkpan so mɔ, asa gbaaꞌgbaa, asogya abelɛnsɛ, aterenbi awura, alolonbo, de asa abono mɛ tɛ awura asɛ de abono mɛ tɛ mɔmɔ-gibaa so mɔ pɛwu mɛ laa selɛ kpaa ŋara abii so, ifolɛbɔ dɔ de afolɛ dɔ.