Gilɛɛnyiile 18:21 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

²¹ Nfono mɔ, Wurubuaarɛ dɔ ɔsɔɔ ɔlolonbo ɔko gi puru gibui fɛɛ giboo belɛ ne ɔ too gimɔ wɔra apoo dɔ kaala nyiile, ne ɔ tɔgɛ yɛɛ, “Fɛɛ gɛnɔɔbono nɛ too gibui gidɛ wɔra apoo dɔ faa, gɛnen kee ne Wurubuaarɛ laa boori Babilon ɔsowolɛ gbaaꞌ mɔ ɔlon so ne. Mɛ maŋ baa wu mɔ gɛkaako.

Gilɛɛnyiile 18:21 ပူးပေါင်းရင်းမြစ်များ

Gilɛɛnyiile 10:1

Nfono mɔ, i san i kya wɔra me fɛɛ oderi mɔ, nɛ wu Wurubuaarɛ dɔ ɔsɔɔ banban ɔlolonbo ɔko gi kpelegɛ lii Wurubuaarɛ dɔ ɔ kya ba. Wurubuaarɛ awolɛ a mili mɔ ne i kya ŋɛlegi kyaabɔɔ mɔ-gimu fɛɛ okyiimaale. Mɔ-ansi dɔ i dɛ fɛɛ owi, ne mɔ-ayaa a dɛ fɛɛ ɔgya ne n kya dɛɛ.

Gilɛɛnyiile 12:8

Maakɛlɛ mɔ‑rɛ Wurubuaarɛ dɔ isɔɔ mɔ mɛ gyi giwɔɔ mɔ gimɔ‑rɛ gimɔ-isɔɔ mɔ so, ne mɛŋ baa nyɛ ɔkyenaten Wurubuaarɛ dɔ.

Gilɛɛnyiile 16:20

Ɔko maŋ baa wu apoo akyaafiya belɛ-belɛ de abii gɛsinkpan so.

Gilɛɛnyiile 18:10

Mɔ-gɛyiyɛɛ gɛ laa wɔra mɔmɔ gifuu so mɔ, mɛ laa yelɛ daa koo-koo mɛ kerɛ mɔ de mɛꞌ tɔgɛ yɛɛ, ‘O, laako, Babilon ɔsowolɛ gbaaꞌ. Laako‑a, Babilon ɔlolonbo. Fo-gisobiidɛ gi baa tu fo owi kolon poroko.’

Gilɛɛnyiile 18:22

Babilon ɔsowolɛ! Ɔko maŋ baa nu aduule alanbo, ilon abiibo, nlɛɛ de ngandan afolɛbo so fo dɔ gɛkaako. Adawo awura abono mɛ kya wɔra abaa dɔ nsun mɔ kee, ɔko maŋ baa nu mɔmɔ so fo dɔ. Ɔko maŋ baa nu ɔdoo kɔrɔsɛ so fo dɔ gɛkaako.

Gilɛɛnyiile 20:11

Nfono mɔ nɛ wu gɛwuragyapaa fufuli belɛ, ne Wurubuaarɛ tɛ gɛmɔ so. Soso de gɛsɛ i ŋaa lii Wurubuaarɛ ansi so. Ɔko maŋ baa wu imɔ.

Gilɛɛnyiile 5:2

Nɛ wu Wurubuaarɛ dɔ ɔsɔɔ ɔlolonbo ɔko yelɛ ɔ kya taasɛ ken-ken de ɔkamaasɛ ɔꞌ nyɛ nu yɛɛ, “Anɛ ne n kaaborɛ ibono ɔ laa nyɛ fɔlɔgɛ idaasɛ mɔ de ɔꞌ sangɛ Ilaa Ibono I Laa Baa Ba Mɔ ɔwolɛ mɔ?”