Gilɛɛnyiile 18:15 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

¹⁵ “Gigya agyibo abono mɛ fɛ ilaa idɛ pɛwu ɔsowolɛ mɔ so ne mɛ bingiri aterenbi awura mɔ mɛ laa wu ɔsowolɛ mɔ-gɛyiyɛɛ mɔ, i laa wɔra ɔmɔ gifuu, ne mɛ laa yelɛ koo-koo de mɛꞌ san su de mɛꞌ yiyɛɛ sa mɔ yɛɛ,

Gilɛɛnyiile 18:15 ပူးပေါင်းရင်းမြစ်များ

Maako 11:17

O nyiile asa abono mɛ bo nfono mɔ ilaa yɛɛ, “Mɛ wolaa ŋmarasɛ Wurubuaarɛ agyɛbi ako yela yɛɛ, ‘Me-ɔson obu mɔ laa wɔra ɔdalaaten sa asa kpɛi-kpɛi pɛwu.’ Ne i wonɛ ne fɛye, mɔ, fɛ kyu nno bingiri iyu gikpalan?”

Yesu Isɔɔ 16:19

I ba gɛnen mɔ, mɔ-wuraana mɔ mɛ wu yɛɛ idɛ kon berɛ mɛ maŋ baa nyɛ aterenbi lii mɔ so. Imɔso mɛ keda Pɔɔlo mɔ‑rɛ Siilasɛ kpii mɔmɔ lii kpe sansana ɔsowolɛ mɔ so abelɛnsɛ ansi dɔ.

Gilɛɛnyiile 18:12

Mɛŋ baa nyɛ fɛ mɔmɔ-sika kɔkɔɔ de abeletɔ fufuli, mɔmɔ-abui ŋɛlegisɛ de ngyi boɔgyalonsɛ, mɔmɔ-akuru dɛnsɛ dɛnsɛ ɔnan kamaasɛ. Mɛŋ baa nyɛ fɛ iyii bofensɛ, de ilaa ibono pɛwu asa mɛ kyu akondɛ anyi de iyii boɔgyalonsɛ salɛ imɔ mɔ, de ilaa ibono mɛ kyu abeletɔ kpɛi-kpɛi de akpenkpelenbui fufuli kyu wɔra mɔ.

Gilɛɛnyiile 18:13

Mɛŋ baa nyɛ fɛ ilaa bofensɛ fɛɛ sasaalɛ, atikee, ibono mɛ kya kyu bɔ de ibono mɛ kya kyu dɛɛ mɔ, de onufuii. Mɛŋ baa nyɛ fɛ nta de nfɔ, de nnyufo nbono gi pɛ mɔ de ilaa gyisɛ ibono mɛ kya kyu kɔrɔ nnyufo de inaadɛ de isandɛ, abee de ilaa ibono abee mɛ kya biidɛ mɔ, de nbide.

Gilɛɛnyiile 18:14

Babilon ɔsowolɛ, oyii abi abono nkana a da fo ɔbolɛ mɔ a kyon yɛgɛ fo. Fo-awuratɔ de fo-nyisigyi pɛwu gi lii fo-gibaa. Gɛkaako, gɛkaako foŋ baa nyɛ imɔ kpa‑a.

Gilɛɛnyiile 18:19

Mɛ laa paada mɔmɔ-amu de mɛꞌ san mɛ kya saawo mɛ kya su osulon yɛɛ, ‘Mɔ laako! Mɔ‑rɛ gɛyiyɛɛ! Ɔsowolɛ gbaaꞌ baarɛ! Nkana mɔ-aterenbi so ne akolii awura pɛwu mɛ bingiri aterenbi awura. Owi kolon dɔ mɔ, ɔ boori bun.’

Gilɛɛnyiile 18:3

Mɔ-ilaa nyɛnyɛn so ne ɔ laa boori gɛnen. I kya nyiile yɛɛ ɔ kya yɛgɛ nsinkpan pɛwu so asa mɛ kya nun lii mɔ-ilaa nyɛnyɛn gɛwɛ dɔ fɛɛ gɛnɔɔbono anyen sakyɔ mɛ kya loo ilaayan dɔ kyu naa de ɔkyii ɔbono anyen gilaarɛ i gyi mɔ-gimu mɔ. Gɛsinkpan so awura-awura mɛ kya dii ma‑a kpelegɛ ɔsowolɛ mɔ so fɛɛ gɛnɔɔbono anyen mɛ kya kpe ilaayankyii ɔbono ɔ tɛ gɛbunono asɛ mɔ. Gɛsinkpan so gigya agyibo mɛ kya baa wɔra aterenbi awura kyu lii ɔsowolɛ mɔ nkyoola nbono ɔ kya kyoola fɔm‑m mɔ so.”