Gilɛɛnyiile 11:15 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

¹⁵ I san i kya wɔra me fɛɛ oderi mɔ Wurubuaarɛ dɔ ɔsɔɔ sonosɛ mɔ gi folɛ mɔ-lɛɛ gɛgandan. Ɔ folɛ gɛnen mɔ, nɛ nu nnɔ nko Wurubuaarɛ dɔ gi kya tɔngɛ ken-ken yɛɛ, “Idɛ kon gɛsinkpan so gɛwuragyi pɛwu gɛ san bingiri aye-Wura Wurubuaarɛ mɔ‑rɛ ɔbono o sun kpaa mɔlɛgɛ anyamesɛ mɔ-lɛɛ. Ɔ laa gyi gɛwura gɛkpaa-gɛkpaa!”

Gilɛɛnyiile 11:15 ပူးပေါင်းရင်းမြစ်များ

Matiyu 24:31

Nan yɛgɛ gɛgandan belɛ gɛꞌ su de nꞌ sun Wurubuaarɛ dɔ isɔɔ de mɛꞌ kpaa koola asa abono Wurubuaarɛ gi tɔɔsɛ lɛɛ yɛɛ mɛꞌ nyɛ mɔ-gɛwuragyi dɔ akyenabi mɔ. Mɛ laa koola-koola mɔmɔ lii gɛsinkpan gɛdɛ gɛten kamaasɛ pɛwu so.”

Matiyu 6:13

Kpaa aye de ilaa iko iŋ sa iꞌ nyɛ aye penɛ de aꞌ wɔra ilaa nyɛnyɛn. Mɛŋ sa foꞌ yɛgɛ de aꞌ loo ilaa nyɛnyɛn pɛwu gɛmu mɔ abaa dɔ. [I lii fɛɛ gɛwuragyi, ɔlon, de nyisigyi i gyɛ daa fo-lɛɛ gɛkpaa-gɛkpaa. Iꞌ ba gɛnen.]’

Luka 1:33

de oꞌ gyi gɛwura Oloobu Gyeekɔpo gɛsu pɛwu so gɛkpaa-gɛkpaa. Mɔ-gɛwuragyi gɛ maŋ ta ɔkara.”

Luka 15:10

Yesu gi tɔgɛ gɛnen ta mɔ, ɔ lɛɛ gɛsɛ yɛɛ, “Nꞌ buu sa fɛye yɛɛ nengyene fɛɛ ilaa nyɛnyɛn ɔwɔrabo kolon gi nu mɔ-nyoro gɛsɛ ne ɔ kyɛɛgɛ lii mɔ-ilaa nyɛnyɛn giwɔra dɔ mɔ, gɛnen kee ne i kya wɔra Wurubuaarɛ dɔ isɔɔ ɔkon ne.”

Luka 15:6

Ɔ ba gɛwi mɔ, ɔ laa terɛ mɔ-gɛten dɔ awura de mɔ-nanboana de ɔꞌ tɔgɛ sa mɔmɔ yɛɛ, ‘Aye pɛwu aꞌ gyi ɔkon me-sandɛ fuɛsɛ mɔ so. I lii fɛɛ nɛ kpaa wu mɔ baa bɔla asɛnsɛ mɔ so.’

Yesu Isɔɔ 4:26

Awura-awura de isowolɛ so abelɛnsɛ mɛ laa gyanꞌ de mɛꞌ baala yɛɛ mɛ laa kɔ de Wurubuaarɛ mɔ‑rɛ ɔbono o sun yɛɛ ɔꞌ baa gyi gɛwura mɔ Wurubuaarɛ adɛ so mɔ.’ ”

Hiiburu 1:8

Wurubuaarɛ gi tɔgɛ sa mɔ-bi mɔ, mɔ, yɛɛ, “O Wurubuaarɛ, fo-gɛwuragyi gɛ maŋ ta ɔkara gɛkaako kpa‑a. Gɛsintin ne fo dɛ fi‑i kerɛ fo-adɛ so.

Gilɛɛnyiile 10:7

ne Wurubuaarɛ ilaa boduduusɛ i laa ba gɛsintin, fɛɛ gɛnɔɔbono ɔ wolaa tɔgɛ sa mɔ-asonbo, mɔ-ikalan atɔgɛbo mɔ. Gɛnen ilaa ibono i laa ba daa aberɛ abono Wurubuaarɛ dɔ ɔsɔɔ sonosɛ mɔ laa folɛ mɔ-lɛɛ gɛgandan mɔ.”

Gilɛɛnyiile 12:10

I san i kya wɔra me fɛɛ oderi mɔ, nɛ nu gɛnɔ gɛko Wurubuaarɛ dɔ gɛ kya tɔgɛ ken-ken yɛɛ, “Idɛ kon berɛ, aye-Wura Wurubuaarɛ amɔlɛgɛ, de mɔ-ɔlon, de mɔ-gɛwuragyi mɔ gɛ lii gɛwi tentegelen. Yesu ɔbono Wurubuaarɛ gi sun lii Wurubuaarɛ dɔ, ne ɔ kpaa mɔlɛgɛ gɛsinkpan so anyamesɛ mɔ kee mɔ-gɛbelɛnsɛ mɔ gɛ lii gɛwi tentegelen. I kya nyiile yɛɛ mɛ gya ilaa nyɛnyɛn pɛwu gɛmu mɔ lii Wurubuaarɛ dɔ kon. Aye-nanboana Wurubuaarɛ asonbo abono mɛ bo gɛsinkpan so mɔ mɔmɔ-ɔkyobo ne n gyɛ mɔ. Nkana ɔ kya kyu mɔmɔ-ilaa kpaa buu sa Wurubuaarɛ gɛnyɛ de gɛpɛ. Idɛ kon berɛ mɛ gya mɔ lii nno.

Gilɛɛnyiile 15:4

Anɛ ne n bo no yɛɛ ɔ maŋ selɛ fo? Anɛ ne maŋ lɛɛ fo-ginyen? Fo-nkon ne n gyɛ gisen fufuli wura. Nsinkpan pɛwu so asa mɛ laa baa son fo. I lii fɛɛ fo-gɛsintin gɛ laa lii gɛwi yɛɛ Fo kya wɔra ilaa gɛsintin ɔkpa so.”

Gilɛɛnyiile 16:17

Wurubuaarɛ dɔ ɔsɔɔ sonosɛ mɔ gi kyɛɛgɛ mɔ-bonboron mɔ dɔ-lɛɛ awɔrɔfɔɔ mɔ wɔra afuu dɔ, ne nɛ nu gɛnɔ gɛko gɛ terɛ ken-ken lii Wurubuaarɛ ɔson obu dɔ, Wurubuaarɛ gɛgyapaa mɔ asɛ yɛɛ, “I logɛ kon.”

Gilɛɛnyiile 17:14

Mɛ laa kyu ikɔ tu Yesu, Wurubuaarɛ sandɛ mɔ. Ne Yesu mɔ laa gyi mɔmɔ so. I kya nyiile yɛɛ mɔ ne n gyɛ awura dɔ Wura de abelɛnsɛ dɔ Ɔbelɛnsɛ. Mɔ‑rɛ mɔ-adɛ abono ɔ tɔgɛ ɔmɔ yɛɛ mɛꞌ son mɔ mɔ, ɔ tɔɔsɛ mɔmɔ lɛɛ, ne mɛ sii de mɔ, mɔ‑rɛ ɔmɔ ne nan gyi awura gudu mɔ so gɛnen.”

Gilɛɛnyiile 19:1

Imɔ idɛ gɛmara mɔ, i san i kya wɔra me fɛɛ oderi mɔ, nɛ nu ɔlanba fɛɛ sakpii belɛ nnɔ Wurubuaarɛ dɔ mɛ kya tɔngɛ ken-ken yɛɛ, “Nbuo! Wurubuaarɛ kusee‑e! Amɔlɛgɛ, nyisigyi de ɔlon i gyɛ daa aye-Wura Wurubuaarɛ-lɛɛ.

Gilɛɛnyiile 19:6

Nfono mɔ, nɛ nu ɔlanba faa kpo‑o fɛɛ sakpii katakperɛ nnɔ gi kya gbere fɛɛ abii dɔ ibon ne n bɔla gibɔla belɛ. Ɔlanba mɔ kii ɔ dɛ fɛɛ nyangbon ne n kya faa ken-ken. Sakpii mɔ kya kpen ɔ kya tɔgɛ yɛɛ, “Nbuo! Wurubuaarɛ kusee‑e! Idɛ kon ne aye-Wura Wurubuaarɛ Ɔlolonbo mɔ gɛwuragyi gɛ laa lii gɛwi tentegelen. Ɔkamaasɛ laa san wɔra daa Wurubuaarɛ gɛlaarɛ.

Gilɛɛnyiile 20:4

Nfono mɔ nɛ wu awura ngyapaa. Abono mɛ tɛ nmɔ so mɔ, Wurubuaarɛ laa kyu gɛsinkpan so nbɛlɛ gigyi kyu wɔra mɔmɔ-abaa dɔ. Nɛ wu asa abono mɛ tɔgɛ Yesu ilaa de Wurubuaarɛ agyɛbi sa asa ne imɔso ne asa ako mɛ ten mɔmɔ-amu mɔ. Abono nɛ wu gɛnen mɔ, mɛ mɛŋ son gɛdonbuɛ mɔ abɛɛ gɛmɔ-ɔkperɛ mɔ. Mɛ kyena mɔ, mɛ kine gɛdonbuɛ mɔ daasɛ mɔmɔ-asegbelɛ so abɛɛ mɔmɔ-abaa so. Gɛnen asa adɛ mɛ laa kyingi lii ibuni dɔ kii kyena nkpa, ne mɔmɔ‑rɛ Kirisito mɛ laa gyi gɛwura nsi nwɛ gudu.

Gilɛɛnyiile 8:12

Wurubuaarɛ dɔ ɔsɔɔ nansɛ mɔ gi folɛ mɔ-gɛgandan. Nfono mɔ, nɛ wu gɛnɔɔbono i laa gyi owi, bosɛ, de agyɛkpebi gyɛrɛbi mɔ. Gɛnɔɔbono nkana i kya wu mɔ, fo yɛ imɔ dɔ gikpadɔ gisaꞌ mɔ, gikolon giŋ baa wu. Gɛnyɛ de gɛpɛ kee, fo yɛ imɔ dɔ gikpadɔ gisaꞌgisa mɔ giko-giko giŋ baa wu.

Gilɛɛnyiile 9:1

Nfono mɔ, Wurubuaarɛ dɔ ɔsɔɔ nunsɛ mɔ gi folɛ mɔ-lɛɛ gɛgandan. Ɔ folɛ gɛnen mɔ, nɛ wu ɔko, ɔ dɛ fɛɛ gigyɛkpebi. Nɛ wu gɛnɔɔbono ɔ laa baa kyigi lii Wurubuaarɛ dɔ baa tɔrɔ gɛsinkpan so mɔ. Wurubuaarɛ laa kyu gɛsinkpan so ɔbɔ ɔbono ɔŋ bo ɔkara mɔ safuee wɔra kaasɛ ɔbono abaa dɔ.

Gilɛɛnyiile 9:13

Wurubuaarɛ dɔ ɔsɔɔ seesɛ mɔ gi folɛ mɔ-lɛɛ gɛgandan. Ɔ folɛ gɛnen mɔ, nɛ nu gɛnɔ lii Wurubuaarɛ sika kɔkɔɔ ɔson gibui igen inan mɔ nsana Wurubuaarɛ asɛ.