2 Korinti 3:7 - GɛnÞ PobÞrÞ Gɛbono Wurubuaarɛ Gi Yɛgɛ Mɔ-rɛ Anyamesɛ Mɛ Wɔra Mɔ

⁷ Gɛnen nbara gudu nbono Wurubuaarɛ gi ŋmarasɛ gyan abui patela-patela anyɔ so mɔ, nmɔ so gimaagyi so ne Wurubuaarɛ gi yɛgɛ lɛwu nyɔsɛ gi ba. Ibono nbara mɔ gi kya yɛgɛ asa mɛ nyɛ lɛwu gɛnen gbaa mɔ, nbara mɔ gi gyɛ Wurubuaarɛ ilaa so mɔ, ɔ dabɔlɛ sa nmɔ nyisigyi belɛ. I lii fɛɛ Mosisi gi kpaa kyu nbara mɔ lii Wurubuaarɛ asɛ ɔ kya ba mɔ, mɔ-ansi dɔ i kya ŋɛlegi de nyisigyi. Isirale awura mɔ mɛŋ baa ma‑a taalɛ mɛꞌ kerɛ mɔ-ansi dɔ, ne gɛnen nyisigyi mɔ kya kɔɔgɛ ɔ kya ta. Nengyene Wurubuaarɛ gi bara lɛwu gbaa ne i wɔra nyisigyi ilaa mɔ,

2 Korinti 3:7 ပူးပေါင်းရင်းမြစ်များ

Yesu Isɔɔ 6:15

Asa abono pɛwu mɛ tɛ nbɛlɛ mɔ ogyiten mɔ mɛ kerɛ Sitiifen yiridididi mɔ, mɔ-ansi dɔ i wɔra fɛɛ Wurubuaarɛ dɔ ɔsɔɔ ansi dɔ ɔnan.

Rom Awura 10:4

I kya nyiile yɛɛ Kirisito gi logɛ gɛnɔɔbono asa mɛ laa gyi Wurubuaarɛ nbara mɔ so de Wurubuaarɛ oꞌ kyu mɔmɔ yɛɛ mɔmɔ-asen dɔ i boran mɔ. Wurubuaarɛ gi san ɔ kya laarɛ daa yɛɛ oꞌ kyu ɔkamaasɛ ɔbono ɔ laa ka gyan Kirisito so mɔ yɛɛ mɔ-gisen dɔ i boran.

Rom Awura 4:15

I kya nyiile yɛɛ asa mɛ kya tɔrɔ Wurubuaarɛ nbara mɔ, de iꞌ kyu mɔ ginyadon. Nkana nbara giŋ bo no mɔ, i maŋ ba yɛɛ ɔko gi tɔrɔ nmɔ so.

Rom Awura 5:20

Wurubuaarɛ gi yela nbara sa anyamesɛ de mɛꞌ nyɛ wu yɛɛ mɔmɔ-ilaa nyɛnyɛn giwɔra i tansi i kyɔ. To! Owi ɔbono anyamesɛ ilaa nyɛnyɛn giwɔra i kya nyaakyɔ mɔ, Wurubuaarɛ gitolon gibono ɔ kya kyu lɔrɔ mɔ‑rɛ asa nsana mɔ kee gi tansi gi kya nyaakyɔ gi kya don mɔmɔ-ilaa nyɛnyɛn mɔ.

Rom Awura 7:10

ne i kya kperɛ me daa lɛwu nyɔsɛ dɔ. Imɔso nbara nbono Wurubuaarɛ gi yela yɛɛ nkana giꞌ kpaa me de nꞌ nyɛ mɔ asɛ gɛkyena mɔ, ne n san yɛgɛ gɛnen gɛkyena gɛbono gɛ lii me-gibaa.

Rom Awura 7:22

Nkana me-oduduu de me-gɛwɔnsa dɔ mɔ, Wurubuaarɛ nbara mɔ gi kya da me ɔbolɛ gikyɔ.

Rom Awura 7:5

Owi ɔbono a san a naa de anyamesɛ-lɛɛ ɔlon mɔ, nbara mɔ gi kya yɛgɛ aye-ɔbolɛ kya kyɔɔlɛ ilaa nyɛnyɛn giwɔra so. Gɛnen ne nkana ilaa nyɛnyɛn giwɔra i kya nyɛ ɔkpa wɔra gɛsun aye-nyoro dɔ ne i kya yɛgɛ aꞌ wɔra ilaa ibono i laa yɛgɛ a laa fuɛ aye-lɛwu gɛmara.

1 Korinti 13:10

Owi ɔko laa baa ba yɛɛ Wurubuaarɛ ilaa ibono i boran gɛkpaa mɔ i laa ba aye Yesu asonbo mɔ dɔ. I ba gɛnen mɔ, aye-ilaa wɔrasɛ ibono a kya wɔra imɔ adin-adin mɔ, i laa yela ɔkara.

2 Korinti 3:3

Fɛye-gidebi ne n kya lɛɛ nyiile yɛɛ fɛ dɛ fɛɛ Kirisito ɔwolɛ gɛnen. O sun aye ne ɔ ŋmarasɛ gɛnen ɔwolɛ baarɛ naa de aye so. I mɛŋ gyɛ gɛyabii ŋmarasɛsɛ ne o kyu ŋmarasɛ mɔ. Wurubuaarɛ Oduduu mɔ ne o kyu ŋmarasɛ mɔ. Wurubuaarɛ ɔbono ɔ bo no adaa-adaa mɔ Oduduu gi wɔra gɛsun fɛye-asen dɔ. Iŋ baa i dɛ fɛɛ gɛnɔɔbono dedaa Wurubuaarɛ gi ŋmarasɛ mɔ-nbara gudu gyan daa abui papatela anyɔ so sa anyamesɛ mɔ. Kon faa berɛ, aye anyamesɛ asen dɔ gbaa-gbaa ne Yesu gi ŋmarasɛ Wurubuaarɛ ilaa wɔra sa aye.

2 Korinti 3:6

Mɔ Wurubuaarɛ ne n yɛgɛ nɛ bii wɔra mɔ-gɛnɔ pobɔrɔ mɔ so gɛsun sa mɔ. Gɛnen gɛnɔ pobɔrɔ gɛbono Wurubuaarɛ gi yɛgɛ mɔ‑rɛ anyamesɛ mɛꞌ san wɔra mɔ, idɛ kon iŋ baa i gyɛ mɔ-nbara gigyi so ne a laa kyu gɛnɔ pobɔrɔ mɔ kyu kyena de mɔ. I san i gyɛ daa mɔ-Oduduu mɔ so. I lii fɛɛ Wurubuaarɛ nbara gimaagyi mɔ gi kya kyu lɛwu nyɔsɛ bara anyamesɛ. Wurubuaarɛ Oduduu mɔ berɛ, kya sa daa Wurubuaarɛ asɛ gɛkyena ɔnan.

2 Korinti 3:8

bii yɛɛ nengyene ɔ bara mɔ-Oduduu mɔ i laa tansi wɔra nyisigyi don gɛnen gbaa.

Galati 3:10

I bo Wurubuaarɛ agyɛbi dɔ yɛɛ, “Ɔbono ɔŋ kya wɔra ilaa kamaasɛ ibono Wurubuaarɛ nbara mɔ gi kya nyiile fɛɛ gɛnɔɔbono mɛ ŋmarasɛ Wurubuaarɛ nbara ɔwolɛ dɔ mɔ, gɛnen kaasɛ mɔ mɔ‑rɛ Wurubuaarɛ abaa anyɔ.” Ɔko‑rɛ ɔko mɔ, maŋ taalɛ gyi nbara mɔ pɛwu so. Imɔso nyamesɛ kamaasɛ ɔbono ɔ kya ka gyan nbara gigyi so mɔ, mɔ‑rɛ Wurubuaarɛ abaa anyɔ.

Galati 3:21

Abɛɛ ɔko laa tɔgɛ yɛɛ ilaa ibono Wurubuaarɛ gi ka yela mɔ de nbara nbono ɔ yela mɔ, iŋ kya kyena de abara? Kuaa, iŋ gyɛ gɛnen. Nbara nbono ɔnan gi laa taalɛ sa nyamesɛ Wurubuaarɛ asɛ gɛkyena ɔnan mɔ giŋ bo no. Naafo nkana i bo gɛnen nbara nbono ɔnan mɔ, ɔfaanan Wurubuaarɛ kya kerɛ asa ilaa wɔrasɛ so de oꞌ wu yɛɛ mɔmɔ-asen dɔ i boran kyu naa de gɛnen nbara nbono so.

Hiiburu 12:18

Imɔso fɛye berɛ, fɛꞌ kerɛ dɔɔdan de fɛꞌ yɛgɛ Wurubuaarɛ ilaa iꞌ wɔra fɛye-ilaa tirisɛ. Ilaa ibono Wurubuaarɛ gi lɛɛ nyiile fɛye mɔ, iŋ dɛ fɛɛ ibono ɔ lɛɛ nyiile aye Isirale awura adedaabo mɔ. Mɔmɔ abono, mɔ, Wurubuaarɛ gi yɛgɛ mɛ tu sindi ilaa ibono nyamesɛ maŋ taalɛ yii imɔ mɔ. Imɔ ne n gyɛ yɛɛ mɛ wu gibii gi yelɛ gi kya dɛɛ gin-gin-gin ne i wɔra gibiri kyikin. Mɛ wu afuu belɛ a kya da fɛɛ gɛwulewule.

Hiiburu 3:3

Buubuu ɔbono i kaaborɛ asa mɛꞌ kyu sa Yesu mɔ gi don Mosisi-lɛɛ mɔ gbaa bun. I dɛ daa fɛɛ gɛnɔɔbono nyamesɛ kya yii gɛten ne ɔ bo nyisigyi don abono mɛ tɛ mɔ-gɛten mɔ dɔ mɔ.

Hiiburu 9:4

Tudɔ-tudɔ lɛɛ obu mɔ dɔ mɔ, i bo Wurubuaarɛ ɔson onufuii ɔdɛɛten ɔbono mɛ kyu sika kɔkɔɔ nkyu kokuaa mɔ mɔ. Ɔson atɔ gidɛkaa kee gi dɛ gɛnen obu ɔbono dɔ. Mɛ kya terɛ gɛnen gidɛkaa gibono yɛɛ “gɛnɔ gɛbono Wurubuaarɛ mɔ‑rɛ anyamesɛ mɛ wɔra mɔ gidɛkaa”. Gidɛkaa mɔ nyoro so gɛten kamaasɛ mɔ, i gyɛ daa sika kɔkɔɔ nkyu. Gimɔ dɔ mɔ i bo sika kɔkɔɔ bonboron, de agyudɔ abono mɛ kya terɛ amɔ yɛɛ “mana” mɔ, de Aron oyii tugɛsɛ ɔbono ɔ pɔrɔgɛ afɛdaa mɔ. Abui patela-patela ako a bo gidɛkaa mɔ dɔ kee. Abui abono so ne Wurubuaarɛ gi ŋmarasɛ gɛnɔ gɛbono ɔ yɛgɛ mɔ‑rɛ anyamesɛ mɛ wɔra mɔ gyan.