Santiago 4:9 - I Baha'o Kasuratan

⁹ Agkabidu'a kam, agpamanangisa kam ngan agpandinamaga kam. Salli'i-bi i pagpattawa-bi pada'iray si pagpanangis ngan i mga kalipay-bi pada'iray si kasurub'on.

Santiago 4:9 ပူးပေါင်းရင်းမြစ်များ

Mateo 21:41

Agpanaruman may i mga puno' paraghalad pati' i mga mata'o kamabu'utan, “Sigurado nga panmatay-nay ray mga a'a si makangingirhat pa'agi, ngan pa'intriga-na si la'in mangngataman i ubasan-na, si makabuwan nan si iya si tama' kapartihan si balang tigpangku'on.”

Mateo 5:4

Mga malipayon i mga masurub'on, kay mga iya i mga rili'awon.

Lukas 16:25

“Pero anaruman dina si Abraham, ‘No', intumon nga si bug'os kinabuhi'-mo siray, mamahalap mga inanna' i sakarawat-mo, ngan mamara'at i mga sakarawat-na si Lazaro. Pero ina'anto nagli'aw iya ato ngan awinan may kaw agsakit.

Lukas 6:21

Mga malipayon kam mga lingantoy nan ina'anto, kay ka'am i papagustuhan. Mga malipayon kam mga masurub'on nan ina'anto, kay ka'am i papalaksihon.

Lukas 6:25

Mga papabidu'on kam mga magpakagustuhan nan ina'anto, kay ka'am i papalingantuhan. Mga papabidu'on kam mga magpanlaksi nan ina'anto, kay ka'am i papaluha'on.