Roma 3:12 - I Baha'o Kasuratan

¹² Agpamatalikot si Diyos i dimu'an, ngan bisan kon agbiriyo' mga iya gana' gihapon kapulsanan-na si mga sahimu-na. Gana' ato magparabuhat si mahalap bisan addangan.

Roma 3:12 ပူးပေါင်းရင်းမြစ်များ

Mateo 25:30

Ngan kon parti namay si gana' nan kapulsanan-na tinapuran, patapuku-bi nan pagawas, si lugar nga bali lu'om, kon singnga agparapangaraba ngan agparapanrigot mga iya.’

Roma 3:11

Gana' bisan addangan makasabot kon ay i diyusnon pangiwa-kiwa, ngan gana' maniguro pagpakihuwang si Diyos.

Roma 3:13

Agparapaguwa' mga iya si mga mamarigsok isip, ngan agsapwa si mga bawa'-na i mga daya'on allingon. Day lara-na si sawa i mga katabilan-na mga iya.

Efeso 2:3

Bisan say si kita kam akapariho si mga kinabuhi'-na ngan paghururuwang-ta pa kam si mga iya. Sinan uras, agparapamagusto hamok kita kam si mga sabarawan-na si mga makasasala' kina'iya-ta ngan agbuhat-ta kam kon ay i saruyagan-na pati' isip-na sito kina'iya. Ngan pariho si bisan say, kon nagpata'anan hamok kita, huwang kita kam si mga nagkastigu-na si Diyos.

Filimon 1:11

Ngan siray, day gana' gayod kapulsanan-na sito dadi' para si ka'aw, kundi' ina'anto, mahaya na i kapulsanan-na, ma'in hamok si ka'aw pero hasta pa liwat si ako.

1 Pedro 2:25

Agpakapariho kam siray si mga kakarniruhan nga agkaralilingo, kundi' ina'anto agpakabwilta kam gihapon si Mangngataman pati' Paragbantay si mga espiritu-bi.