Roma 2:2 - I Baha'o Kasuratan

² Akatu'anan kita nga i paghusgar-na si Diyos kuntra si mga magparahimo si da'inan klasi binuhatan ag'inala' si kamatu'uran.

Roma 2:2 ပူးပေါင်းရင်းမြစ်များ

Mga Buhat 17:31

Agda'inan iya sinan kay aniya' na nagtala'an-na allaw si pantay paghusgar si mga a'a ato si kalibutan, ngan agtu'in andang iya kon say i tihusgar. Agpamatu'uran-na nayto si dimu'an mga a'a pina'agi si pagbanhaw-na si iya.”

Roma 2:1

Para namay si ka'am magparapanhusgar nan si la'in, gana' si ka'am makalibri. Ga'i kam pwidi agpakapasangil kay bisan sumiran kam agpatok si la'in, si kamatu'uran huwang na kam si makapatukan kay agkaparariho may kam hamok binuhatan.

Roma 2:3

Sanglit para si ka'am nga mga a'a hamok, kon aghusgar kam si mga iya pero agbuhat kam pariho si mga nagbuhat-na, si pag'abat-bi ba' ma'in kam huwang si mga hurusgaran-na si Diyos?

Roma 2:5

Pero tungod si kakudat-na si mga takuluk-bi nga ga'i kam agkatara'o pagbasol, ka'am mismo i magparatipon si kastigo para si kalugaringun-bi kon anakka i allaw si pagkastigu-na si Diyos, si uras nga pinakatu'an na i matadong paghusgar.

Roma 9:14

Kon sugad, pwidi ba' kita akapinugad nga ma'in pantay i pagkukulaw-na si Diyos? Ga'i.

Pagpakatu'an 16:5

Mangno sabati'an-ko agpahalling i anghel nga tinapuran pagpanginano si buwahi', “Matadong kaw gayod si buhat-moy to paghusgar, ka'aw nga Sagrado A'a si ina'anto pati' si ngan siray, kay tukib si mga kasal'anan-na i kastigu-mo.

Pagpakatu'an 19:2

Ungod ngan pantay i mga paghusgar-na. Agpatukan-na na i bantugan parapabayad danda. Iya i magparalilingo si kalibutan hasta nga agka'araghat pagparapakihuwang si mga diyus-na. Agbulus-na iya si Diyos tungod si pagparamatay-na si mga rilihugun-na.”