Mateo 22:43 - I Baha'o Kasuratan

⁴³ Aminugad may si Jesus, “Kon da'inan sinan, kapa'i may kay sigon si pagdalum-na si Espirito, akaban'o si David si iya ‘Paragdalom’? Yayto i allingun-na ari si Kasuratan:

Mateo 22:43 ပူးပေါင်းရင်းမြစ်များ

Markos 12:36

Mismo si David agpahalling sigon si pagdalum-na si Espirito Santo: Agpinugad i Paragdalom Diyos pada'iray si Paragdalum-ko, ‘Aningkulu'a ato si kawanan-ko, tubtob nga sapama'ubus-ko i mga kuntra-mo pa nga day pannungtungan-mo.’

Mga Buhat 1:16

ngan aminugad, “Mga kabugtu'an si pagtu'o, atuman na i maka'anna' si Kasuratan ngan ga'i to akalikayan. Makigpapahalling-nay to siray si Espirito Santo si David mahi'unong si Judas, nga iya i maggiya si mga magpandakop si Jesus.

1 Corinto 12:3

Sanglit sumatan-ta kam nga gana' naggiyahan-na si Espiritu-na si Diyos nga pwidi akapinugad, “Si Jesus i girara'ati nga angay akagaba'an,” ngan gana' liwat nga pwidi akapinugad, “Paragdalom si Jesus,” kon ga'i iya aggiyahan-na si Espirito Santo.

Hebro 3:7

Sanglit tuninungi-bi i nagpahalling-na si Espirito Santo, “Ina'anto mismo, kon sabati'an-bi i busis-na,

2 Pedro 1:21

kay gana' sinan nga tikang si pagdalum-na si a'a, kundi' agdaluman-na si Espirito Santo i a'a ngan pakapahalling-na si mga allingon nga tikang si Diyos.

Pagpakatu'an 1:10

Ngan adda si mga allaw nga nagtagama pag'ampo' si Ginu'o, agdaluman-na ako si Espirito. Aniya' sabati'an-ko si damurihan-ko makusog busis nga akapariho si tandu-na si trumpita,

Pagpakatu'an 4:2

Agdaluman-na dayon ako si Espirito ngan hintak ako akapada'iray pag'atubang si truno ari si langit nga aniya' dati magtingkulo'.