Mateo 20:30 - I Baha'o Kasuratan

³⁰ Ari si bihing-na si tinampo, aniya' magparapaningkulo' duwangan buta. Ngan pakabati'-na mga iya nga tilabay kas Jesus, anurakaw mga iya pagban'o, “Paragdalom nga Dadi'-na si David, kalu'uyin kami'!”

Mateo 20:30 ပူးပေါင်းရင်းမြစ်များ

Mateo 13:4

Si pagsaburak-na si uma-na, aniya' mga gahi' nga aka'anna' dina si lalan ngan agpamadugok i mga manuk-manok pagtuktok.

Mateo 15:22

Pero aniya' danda padugok si iya nga Canaana mag'istar siray lugar. Amahalling to makusog, “Sinyor, Dadi'-na si David, kalu'uyin ako! Nagbawa-bawa si mara'at espirito i dadi'-ko danda ngan bali na gayod ra'at i kamutangan-na.”

Mateo 20:31

Nagsimol mga iya si kalabbatan nga ga'i agpararibok. Pero agkukusog dina i mga pagparapaman'u-na, “Paragdalom nga Dadi'-na si David, kalu'uyin kami'!”

Mateo 21:14

Mangno aniya' pamadugok si Jesus ari si templo mga buta pati' mga kiyod ngan agpamahalap-nay to.

Mateo 21:9

Sigi gagasod i magpantupo' si iya ngan da'inan may i magpamungyod: Hosanna, ka'aw nga Dadi'-na si David! Malipayon gayod i a'a nga pada'ito pina'agi si gahum-na si Paragdalom! Hosanna, hasta liwat ka'aw nga Gilalabawi!

Mateo 22:42

“Ngan ay may liwat i isip-bi parti si Tinu'inan Mannanalwas? Say i tagdadi' si iya?” Anaruman may mga iya, “Dadi'-na iya si David.”

Markos 10:46

Mangno anakka kas Jesus pati' i mga inadalan-na si Jerico. Si pataliwan-na na mga iya siray syudad, malabbat namay i magpamungyod si mga iya. Siray uras, aniya' buta lalla magparatingkulo' ngan magparapalimos si bihing-na si tinampo. Bartimeo i arun-na sito nga dadi'-na si Timeo.

Lukas 4:18

Atiya' si ako i Espiritu-na si Paragdalom, kay ako i tinu'inan-na pagpasamwak si mahalap sumat pada'iray si mga anggana'. Agpapada'itu-na ako basi' agpakatu'anan i mga bihag nga papalibrihon na mga iya, pati' i mga buta nga papakulawon na mga iya. Agpapada'itu-na liwat ako basi' pamahuway i magparapamakuri si mga dara'ug-da'ugon,

Lukas 7:21

Mismo siray uras, bali labbat i mga sapahalap-na si Jesus nga aniya' mga binati'-na, mga maburong pati' mga nagpamawa-bawa si mara'at espirito hasta pa liwat malabbat mga buta nga sapakulaw-na gihapon.

Mga Buhat 2:30

Pero paragsumat-na iya si Diyos ngan allom pa iya, ngan sakatu'anan-na nga agsa'ad ngan agsumpa' i Diyos nga patingkulu'-na si trunu-na i addangan si mga ampu-na.