Mateo 16:14 - I Baha'o Kasuratan

¹⁴ Anaruman may mga iya, “Aniya' magpaminugad nga iya kuno' si Juan Paragbunyag, ngan i ditangnga' may, iya kuno' si Elias. Pero aniya' liwat magpaminugad nga iya kuno' si Jeremias o ma'in ngani' tingali addangan pa si mga paragsumat-na si Diyos siray.”

Mateo 16:14 ပူးပေါင်းရင်းမြစ်များ

Mateo 14:2

Akapinugad dayon iya si mga tinapuran-na, “Sigurado nga iya si Juan Paragbunyag nga abanhaw, sanglit akakaya iya pagpakulaw sinan mga pambihira gahom.”

Mateo 16:15

Amatilaw gihapon iya, “Pero para si ka'am, say may i pagkakilala-bi si ako?”

Mateo 17:10

Amatilaw i mga inadalan si iya, “Pero kapa'i may kay agparapaminugad dina i mga paragturo' bala'od nga kinahanglan dahulo i pagpada'itu-na si Elias?”

Mateo 3:1

Siray panahon paluwa' si Juan Paragbunyag si Disyirtu-na si Judea ngan agparawali,

Markos 6:15

Aniya' liwat magpaminugad, “Iya si Elias nga agbwilta na pagtuman si sa'ad!” Ngan i ditangnga' may agpaminugad, “Paragsumat-na iya si Diyos nga akapariho si mga paragsumat siray mga panahon.”

Markos 8:28

Anaruman may mga iya, “Aniya' magpaminugad nga ka'aw kuno' si Juan Paragbunyag, ngan i ditangnga' may, ka'aw kuno' si Elias. Pero aniya' liwat magpaminugad nga tingali addangan pa kaw kuno' si mga paragsumat-na si Diyos siray.”

Lukas 9:8

Aniya' liwat magpaminugad nga agbwilta na si Elias pagtuman si sa'ad, ngan i ditangnga' may agpaminugad nga adda iya paragsumat-na si Diyos siray mga panahon nga abanhaw.

Juan 1:21

Agpaminugad to si iya, “Kon sugad, ka'aw si Elias.” Aminugad iya, “Ma'in.” Amatilaw gihapon mga iya, “Ka'aw na ba' i nagparapanimulat kami' paragsumat?” Anaruman may iya, “Ma'in.”

Juan 7:12

Si magpantambong, matabbol magparapangguru-guro hi'unong si iya. Aniya' magpaminugad, “Mahalap iya a'a.” I ditangnga' may agpanaruman, “Ma'in may. Agparadaya' dina iya si mga a'a.”

Juan 9:17

Mangno tilaw-na gihapon mga iya i lalla, “Ka'aw i nagpahalap-na. Ay may i sapasumat-mo mahi'unong si iya?” Anaruman i lalla, “Paragsumat-na iya si Diyos.”