Juan 1:3 - I Baha'o Kasuratan

³ Ahimo i dimu'an pina'agi si iya, ngan kon ma'in iya i magbuhat, gana' mahimo si bisan ay.

Juan 1:3 ပူးပေါင်းရင်းမြစ်များ

Juan 1:10

Si kamatu'uran, mismo sinan panahon, ato na si kalibutan i Allingon pero ga'i iya nagkilala si mga a'a bisan kon naghimo mga iya pina'agi si iya.

Juan 1:2

Aghuwang na iya si Diyos antis pa si panikangan.

1 Corinto 8:6

pero para si kita kam aniya' hamok adda Diyos, i Tatay nga iya i maghimo si dimu'an ngan agpadayon hamok i kinabuhi'-ta pagtuman si karuyag-na. Ngan aniya' liwat adda hamok Paragdalom, si Jesu-Kristo nga iya i nagtu'inan paghimo si dimu'an ngan pina'agi si iya agpadayon i mga kinabuhi'-ta kam.

Efeso 3:9

pati' pagpasayod si dimu'an a'a si pa'agi pagpa'ambit si mga iya si tinago' plano nga tikang pa siray mga panahon aghilum-na hamok si maghimo si dimu'an.

Hebro 11:3

pariho si kita kam nga akasayod tungod si pagtapud-ta nga i kalibutan pati' i kalangitan ahimo pina'agi si allingun-na si Diyos ngan tungod sinan, akasayuran liwat kita nga bisan ay nga kinakulawan ga'i ahimo tikang si dati kinakulawan.

1 Juan 5:1

Bisan say i manutu'o nga si Jesus i Tinu'inan Mannanalwas, iya i nagbuwanan-na baha'o kinabuhi' si Diyos, ngan pariho si sakatu'anan-ta kam, kon aghigugma' i a'a si kumpaniya-na, andam may liwat iya paghigugma' hasta pa si mga dadi'-na sinan.

Pagpakatu'an 3:14

“Tigsurat-koy to para si anghel magpanginano si manniniripon pag'ampo' si Laodicea: Yayto i mga allingun-na si Amen, i tangkod ngan ungod tistigos, i magpamuno' si dimu'an hinimu-na si Diyos:

Pagpakatu'an 4:11

“Paragdalom kami' pati' Diyos kami', angay gayod nga pirinugaron kaw darayawon kaw, papa'unrahan kaw ngan makagagahom kaw, kay ka'aw i maghimo si dimu'an. Sigon si katuyu'an-mo, agkahirimo mga iya ngan aniya' mga kalugaringun-na kina'iya.”