Hebro 5:8 - I Baha'o Kasuratan

⁸ Pero bisan kon dadi' iya, ag'adal iya si pagkamasinunuron pina'agi si mga sa'agihan-na kakurihan.

Hebro 5:8 ပူးပေါင်းရင်းမြစ်များ

Mateo 3:15

Anaruman si Jesus, “Pata'anin to hamok ina'anto kay angay gayod nga satuman-ta i dimu'an nagkinahanglan-na si Diyos.” Sanglit, angabuyon si Juan.

Juan 10:18

Gana' sito maka'ala' tikang si ako, pero agpa'unung-koy to kay iya gayod i karuyag-ko. Aniya' gahum-ko pagpa'unong sito ngan aniya' gahum-ko pag'angkon gihapon. Iyay nan i nagmandu'-na si ako si Tatay-ko nga buruhatun-ko.”

Juan 15:10

Kon agtuman-bi i mga nagmandu'-ko, ga'i kam pabulag si gugma'-ko, pariho si pagtuman-ko si mga nagmandu'-na si Tatay-ko pati' i ga'i pagbulag-ko si gugma'-na.

Juan 4:34

Aminugad si Jesus, “I pagtuman si katuyu'an-na si magpapada'ito si ako hasta nga atapos i nagpumwan-na trabaho, iya i makapariho si kinakan nga akapabagtok si ako.

Juan 6:38

Kay pada'ito ako tikang si langit ma'in pagtuman si katuyu'an-ko kundi' pagtuman si katuyu'an-na si magpabawa si ako.

Filipos 2:8

Katapos ngan panubu'-na na pariho si bisan say aha'a, agpa'ubos pa liwat gihapon iya, ngan masinunuron iya pagkarawat si kamatayon, bisan pa i kamatayon si adda kudos!

Hebro 1:2

Pero si ina'anto pangultimo panahon, agpahalling iya pina'agi si addangan dadi' nga nagpili'-na bilang iridiro si dimu'an ngan nagpahimu-na si kalibutan pati' si kalangitan.

Hebro 1:5

Kay gana' gayod nagpinugad-na si Diyos si bisan say si mga anghel-na, “Ka'aw i Dadi'-ko; ina'anto publikar-ko nga ako i Tatay-mo.” O ma'in ngani' si pagpinugad, “Ako i magin Tatay-na, ngan iya i magin Dadi'-ko.”

Hebro 1:8

Pero pada'iray si dadi', yayto dina i nagpahalling-na si Diyos, “Ka'aw nga Diyos, i trunu-mo agpabilin hasta si kahastahan, ngan i pagkamatadong i nagpalangngan-mo si ginhadi'an-mo.

Hebro 3:6

Pero tangkod si Kristo bilang dadi' nga agmangno si mga ginsakupan-na si Diyos. Ngan kita kam sakop si panimalay-na si Diyos kon ga'i kita kam palabba si kapusukadu-ta kam pati' si kasiguraduhan si kararawatun-ta nga iya i nagrayhakan-ta kam.