2 Corinto 6:17 - I Baha'o Kasuratan

¹⁷ Sanglit, “pabulaga kam si mga ga'i magpanutu'o, ngan pamatalaha kam,” lingun-na si Paragdalom. “Dakam agkabararaw si mga marigsok buhat, mangno kon tuman-bi to, palangga'-ta kam.

2 Corinto 6:17 ပူးပေါင်းရင်းမြစ်များ

Mga Buhat 2:40

Si Pedro maniguro pagwaydong ngan malabbat pa i nagpahalling-na nga agmato i mga a'a. “Salbaru-bi i kalugaringun-bi basi' ga'i kam akahuwang si kara'at-na si mga a'a ina'anto panahon.”

Roma 15:7

Kon sugad, agsi'araku'-aku'aya kam pariho si pag'aku'-na may si ka'am si Kristo. Buhatu-bi to basi' adayaw i Diyos,

2 Corinto 7:1

Mga hinigugma'-ko kahuruwangan, tungod kay agsa'aran-na kita kam si Diyos sito dimu'an, pagara'-ta kam i mga kalugaringun-ta paglikay si pagparapakasala' magin i kinakulawan o i sallod si kita. Maniguro kita nga sigi mamatgas i diyusnon kina'iya-ta pina'agi si pagtahap si iya.

Pagpakatu'an 18:4

Mangno aniya' namay sabati'an-ko busis tikang si langit nga agpinugad, “Pabulaga kam si iya, ka'am mga ginsakupan-koy nan, basi' ga'i kam agpaka'ambit si mga sala'-na ngan ga'i kam agpaka'abat si bisan ay si mga mammimirwisyu-na.