2 Corinto 1:4 - I Baha'o Kasuratan

⁴ Iya i magparali'aw si dimu'an mga kasamok si mga kinabuhi' kami', basi' akali'aw may kami' si mga aniya' pala'in-la'in kasamukan-na nga aggamit mismo si mga sakarawat kami' kali'awan tikang si Diyos,

2 Corinto 1:4 ပူးပေါင်းရင်းမြစ်များ

Juan 14:16

Amalako ako si Tatay-ko ngan buwanan-na kam la'in Paragsagdon

Juan 14:18

Ga'i kam ambanan-ko nga day mga ilo hamok. Agbwilta gihapon ako si ka'am.

Juan 14:26

Pero i Paragsagdon nga iya i Espirito Santo, nga papabawahun-na si Tata' magsalli' si ako, iya i manuro' si ka'am si dimu'an ngan magpa'intom si ka'am si intiro mga nagpamahalling-ko si ka'am.

2 Corinto 7:13

Sanglit, tungod kay atuman to, akakarawat kami' kali'awan. Pwira pa sinan, akatambahan pa liwat i kalipayan kami' tungod si kalipay-na si Tito kay agbuwanan-bi kamurayaw i kasing-kasing-na.

2 Corinto 7:4

Ga'i ako agruha-duha pagdayaw si ka'am kay mahaya i pagtapud-ko si ka'am. A'aghat ako ngan bisan kon aniya' mga kasamukan kami', ga'i nan aka'ulang si mga kalipayan kami'.

Filipos 1:14

Tungod si kaprisu-ko, ka'agsuban si mga kabugtu'an nga dati na ag'adda si Ginu'o, agka'araghat pagpasamwak si allingun-na si Diyos nga mga pusukado ngan ga'i agkataralaw.

1 Tesalonica 4:18

Sanglit, agsipurupasarigaya kam pina'agi sito mga allingon.

1 Tesalonica 5:11

Sanglit agsipurupasarigaya kam ngan agpaburubaskugaya kam si mga espirituhanon kinabuhi'-bi pariho si nagparabuhat-bi na ina'anto.

Hebro 12:12

Sanglit, pabaskugu-bi i magpanlumbayan mga langngun-bi pati' i magpanluyahan mga tu'ut-bi.