1 Corinto 7:30 - I Baha'o Kasuratan

³⁰ i mga magparapandinamag nga day gana' hamok mga sabidu'an-na, i mga malipayon nga day gana' hamok mga salipayan-na, i mga aniya' pinamalli-na nga day ma'in maliyat i pag'antan-na mga iya.

1 Corinto 7:30 ပူးပေါင်းရင်းမြစ်များ

Lukas 16:25

“Pero anaruman dina si Abraham, ‘No', intumon nga si bug'os kinabuhi'-mo siray, mamahalap mga inanna' i sakarawat-mo, ngan mamara'at i mga sakarawat-na si Lazaro. Pero ina'anto nagli'aw iya ato ngan awinan may kaw agsakit.

Lukas 6:21

Mga malipayon kam mga lingantoy nan ina'anto, kay ka'am i papagustuhan. Mga malipayon kam mga masurub'on nan ina'anto, kay ka'am i papalaksihon.

Lukas 6:25

Mga papabidu'on kam mga magpakagustuhan nan ina'anto, kay ka'am i papalingantuhan. Mga papabidu'on kam mga magpanlaksi nan ina'anto, kay ka'am i papaluha'on.

Juan 16:22

Da'inan may si ka'am: Ina'anto i uras si kabidu'an-bi, pero bwilta-ko kam gihapon ngan sigurado nga bali i kalipayan-bi. Gana' bisan say makabawi' si kalipayan-bi.

1 Corinto 7:29

Mga kabugtu'an si pagtu'o, i karuyag sidngun-ko nga bali na ka'apiki si nagtala'an uras. Tikang ina'anto, i mga lalla nga mga allahan, kunta' pa'anna'-na si mga isip-na mga iya nga day gana' hamok mga alla-na,

1 Corinto 7:31

I mga a'a nga magpakaprubitso si mga inanna' si kalibutan, kunta' isip-na mga iya nga day gana' hamok mga sabarawan-na. Kay i dimu'an samuklatan-bi ato si kalibutan ina'anto, agtikapara' na.

Pagpakatu'an 18:7

Buwani-bi iya si mga kasakitan pati' si mga kabidu'an pariho kabuwat si mga nagparakarawat-na pagdayaw pati' si subra kapritsu-na. Yayto pirmi i nagparapahambug-na, ‘Agtingkulo' ako ato bilang rayna, ngan gana' makapinugad nga balo ako. Ga'i anakka si ako i kabidu'an bisan sumiran.’

Pagpakatu'an 7:17

Ada'ito i kamutangan kay i mangngangataman si mga iya i Nati Karniro nga awinan si tangnga'-na si magpalibot si truno, ngan papatuttutun-na mga iya si mga pagbubulwangan-na si allom buwahi'. Katapos parahitan-na si Diyos i kada luha' nga manlanay tikang si mga mata-na.”