Jisas Kraiské Mak viyaatakan kundi 7:6 - Gotna Kudi

⁶ Naate waatadaka dé Jisas wak, “Guné yénaa yakwa du guné. Déknyényba Gotna yéba kudi wakwen du Aisaia kéni kudi kavite dé adél kudi kavik gunéké. Kéga dé kavik: Got dé wak, ‘Kéni du taakwa de wunéké yéknwun kudi wakweyo. Waga wakwete de wunéké deku mawuléba kaapuk miték sanévéknwudakwa.

Gotna kundi

⁶ Wunga waatakundaka Jisas anga wandén, “Guné paapu yakwa dunyansé wa. Talimba Gotna yémba kundi kwayétan du Aisaia ani kundi viyaatakate gunéké wa kundi viyaatakandén. Papukundi yamba viyaatakandékwe wa. Dé ani yéku kundi wa viyaatakandén anga: Got anga wandén, ‘Ani du dakwa wunéké yéku kundi wandakwa. Wunga wate wa wunéké deku mawulémba yamba yékunmba vékulakandakwe wa.

Jisas Kraiské Mak viyaatakan kundi 7:6 ပူးပေါင်းရင်းမြစ်များ

Jisas Kraiské Jon viyaatakan kundi 15:24

Déknyényba du las yae yawurén apa jébaa pulak kaapuk yadan. Wuné yae kapmu wuné wani jébaa yak. Wuné wani jébaa yamarék yawuru mukatik, de kéni képmaaba rakwa kwatkwa du taakwa deku kapéredi mawuléké kutdéngmarék yakatik de yak. Wuné wani jébaa yawuréka de vék. Vétakne deku kapéredi mawuléké kutdéngte de wuna yaapa wale anéké de kélik yo.

Jisas Kraiské Jon viyaatakan kundi 5:42

Guna mawulé wuné kutdéngék. Guné Gotké kaapuk mawulat kapére yagunékwa.

Aposel 28:25

Naate wadaka dé Pol wak, “Déknyényba Gotna Yaamabi wadéka Gotna yéba kudi wakwen du Aisaia dé guna képmawaarat Gotna kudi wakwek. Got dé Aisaiat kéga wakwek: Méné ye kéni du taakwat kéga waké méné yo: ‘Guné wuna kudi véknwute véknwute wani kudiké kutdéngmarék yaké guné yo. Véte véte miték vémarék yaké guné yo.’ Naate derét waké méné yo. Wani du taakwa wuna kudiké kutdéngmuké kélik yadaka deku mawulé kapéredi dé yo. Deku waan debu kuttépék. Deku méni debu kusnyék. De wuna kudiké kutdéngké mawulé yado mukatik wuna kudiké kutdéngdo. Deku waan kuttépémarék yado mukatik miték véknwudo. Deku méni laapiyakdo mukatik miték védo. Waga yado mukatik wuna kudi miték véknwudo derét kutnébulwuru. Naate Got wadéka dé Aisaia déknyényba kavik. Kavidén kudi bulaa gunat wuné wakweyo. Guné guna képmawaara pulak ragunéka guna mawulé kapéredi dé yo. Mé véknwu. Got akwi du taakwat kutkalé yadéranké wuné kudi wunébu wakwek, nak gena du taakwat. De wani yéknwun kudi miték véknwuké de yo. Waga kutdénggunuké wuné gunat wakweyo.” Naate wadéka de gwaade yék.

2 Timoti 3:5

De yénaa yado nak du taakwa derét véte deké kéga waké de yo, “De Gotna kudi véknwute de miték ro.” Waga wado de Gotna apaké kuk kwayéte yénaa yaké de yo. Wani kapéredi mu yakwa duké méné kuk kwayéké méné yo.

Taitus 1:16

Naate wate kéni kudi wawo de wo, “Naané Gorét naané kutdéngék.” Naate wate yénaa de yo. Yénaa yate kapéredi mu yadaka naané derét véte naané kutdéngék. De Gorét kaapuk kutdéngdan. Deku mawulé kapéredi ye tédéka de kapéredi mu yo. De Gotna kudi véknwumarék yate yéknwun jébaa yaké de yapatiyu.