Matyu 21:9 - Gotna Kudi

⁹ Yatakne de du taakwa las taale yédaka de las Jisasna kukba yaate némaanba de waak, Devitna képmawaara naanéké dé yao. Wan yéknwun. Némaan Ban Got wadék dé yao. Wan yéknwun. Got dérét kutkalé yaké dé yo. Awuréba rakwa ban Gotna yéba kevérékgé naané yo.

Gotna kundi

⁹ Yatake du dakwa ras taale yéndaka de ras Jisasna kukmba yaate némaanmba anga waandarén: Devitna gwaal waaranga maandéka bakamu nanéké wa yaandékwa. Wan yékun wa. Néman Du Got wandéka wa yaandékwa. Wan yékun wa. Got dat yékun yénga yandu. Anjorémba rakwa du Gotna yé kavérék-nganangwa.

Matyu 21:9 ပူးပေါင်းရင်းမြစ်များ

Matyu 21:10

Naate waadaka dé Jisas Jerusalemét wulaak. Wulaadéka wani gayéba rakwa akwi du taakwa dérét véte kwagénte de wak, “Wani du wan kiyadé?”

Matyu 21:15

Kutnébuldéka de Gotna gaba jébaa yakwa nyédé duna némaan du, apa kudiké kutdéngkwa du wawo de vék. Véte de véknwuk baadi Gotna gaba némaanba waadaka. Kéga de waak, “Devitna képmawaara naanéké dé yao. Wan yéknwun.” Naate waadaka de véknwute Jisas wani du taakwat kutnébuldéka vétakne de dérét rékaréka yak.

Matyu 23:39

Wuné kutdéngék. Guné wunat tépa bari vémarék yaké guné yo. Kukba guné wunéké waké guné yo, ‘Got wadéka dé wani du yaak. Naané déku yéba kevérékgé naané yo.’ Naate wagunu wuné gwaamale yaawuru guné wunat tépa véké guné yo. Adél wuné gunat wakweyo.” Naate dé Jisas wak.

Matyu 9:27

Jisas wani taalé kulaknyénytakne yédéka bét méni kiyaan du vétik Jisasna kukba yék. Yéte némaanba waate bét wak, “Ménawa, Devitna képmawaara. Méné némaan ban Devit pulak rate anéké mé mawulé lékménu.”

Jisas Kraiské Luk viyaatakan kundi 13:35

Yagunénké kukba du yae guna gayé yaalébaanké de yo. Yaalébaando guné waba ramarék yaké guné yo. Guna gayé bakna taalé téké dé yo. Wuné kutdéngék. Guné wunat bari vémarék yaké guné yo. Kukba guné wunéké waké guné yo, ‘Got wadéka dé wani du yaak. Naané déku yéba kevérékgé naané yo.’ Naate wagunu wuné yaawuru guné wunat véké guné yo. Adél wuné gunat wakweyo.” Naate dé Jisas wak.

Jisas Kraiské Luk viyaatakan kundi 2:14

Got awuré déku gayéba rate miték débu yak. Déku yéba kevérékno. Got yéknwun mawulé yadékwa du taakwa miték raké de yo kéni képmaaba. Naate de waak.