Matyu 16:23 - Gotna Kudi

²³ Naate wadéka dé walaakwe dé Pitat wak, “Méné Seten, méné mé yaage yé. Méné wuna jébaa méné taknatépu. Méné Gotna kudi kaapuk véknwuménékwa. Méné kéni képmaaba rakwa duna kudi méné véknwu.” Naate dé Jisas Pitat wak.

Gotna kundi

²³ Wunga wandéka waalakwe Pitat wandén, “Satan, méné ma yaange yé. Méné wuna jémbaa taakatépé-ménéngwa. Méné Gotna kundi yamba vékuménéngwe wa. Méné ani képmaana duna kundi male wa vékuménéngwa.” Naandén Jisas Pitat.

Matyu 16:23 ပူးပေါင်းရင်းမြစ်များ

Matyu 16:22

Naate wadéka Pita dérét kure ye bét kapmu téte dé wak, “Némaan Ban, méné waga wamarék yaké méné yo. Got wani kapéredi muké kusékétmarék yaké dé yo.”

Matyu 18:7

“Wupmalemu du taakwa de kéni képmaana kapéredi muké male sanévéknwute de wuna kudiké yékéyaak yo. Wani du taakwaké wuné mawulé léknu. Du las wado wuna kudi véknwukwa du taakwa deku kudi véknwute wunéké kuk tiyaadaran derét waga wan du deku mawulé de yaalébaanu. Wan apakélé kapéredi mu. Got waga wakweran duwat yadan kapéredi mu némaanba yakataké dé yo.

Matyu 4:10

Naate wadéka dé wak, “Méné, Seten, méné mé yaage yé. Kéni kudi Gotna nyégaba dé kwao: Ména némaan ban wan Got male. Méné déké waadé daate dérét waataké méné yo. Déku yéba male kevérékgé méné yo. Wani kudi véknwute wuné ménéké waadé daamarék yaké wuné yo.”

Jisas Kraiské Mak viyaatakan kundi 8:33

Naate wadéka dé Jisas walaakwe déku duwat véte dé Pitat wak, “Méné Seten, méné mé yaage yé. Méné Gotna kudi kaapuk véknwuménékwa. Méné kéni képmaaba rakwa duna kudi méné véknwu.” Naate dé wak.

Jisas Kraiské Luk viyaatakan kundi 4:8

Naate wadéka dé wak, “Aya kaapuk. Kéni kudi Gotna nyégaba dé kwao: Ména némaan ban wan Got male. Méné déké waadé daate dérét waataké méné yo. Déku yéba male kevérékgé méné yo. Wani kudi véknwute wuné ménéké waadé daamarék yaké wuné yo. Yate ména yéba kevérékmarék yaké wuné yo.”

Jisas Kraiské Jon viyaatakan kundi 6:70

Naate wadéka dé Jisas naanat wak, “Wuné wawurék guné yae guné wuné wale yeyé yeyo. Yeyé yeyate guna du nak wan Setenna jébaa dé yo.”

Romba 14:13

Naané akwi Gotna méniba ténaranké sanévéknwute, guné kéga yaké guné yo. Guné Jisas Kraisna jébaaba yaalan du taakwat kadému, kwaami, némaa nyaaké tépa waatimarék yaké guné yo. Guné kéga waké guné yo, “Naané miték raké naané yo. Kwaami kanakwa paaté nak du taakwana mawulé yaalébaanké dé yo, kapu kaapuk? De kwaami kanakwa paatéké miték kutdéngmarék yado wani paaté deku mawulé yaalébaandéran, naané kwaami kamarék yate deku mawulé yaalébaankwa nak mu wawo yamarék yaké naané yo.” Naate wagunéran wan yéknwun.

Romba 14:21

Guné kéga wagunéran, “Naané kwaami kate wain gu kate nak mu wawo yate, naané Jisas Kraisna jébaaba yaalan nak du taakwana mawulé yaalébaanno, de kapéredi yaabuba yédaran, wan kapéredi. Deké sanévéknwute wani mu yamarék yanaran, wan yéknwun.” Naate wate wani mu yamarék yagunéran, wan yéknwun.

Filipai 3:19

Gotké mawulé yamarék yate de deku kapéredi mawulé véknwute deku sépéké male de sanévéknwu. Yate de kapéredi mu yo. Nak du wani kapéredi mu las yado mukatik de wani muké nyékéri yado. De waga yate nyékéri yadakwa muké de dusék takwasék yo. Yate kéni képmaana muké male de sanévéknwu. Waga yakwa du taakwa de kapéredi taalat yéké de yo. Got wale rasaakumarék yaké de yo.

Kolosi 3:2

Wani yéknwun muké apuba apuba sanévéknwu wanévéknwuké guné yo. Kéni képmaana muké guné sanévéknwu wanévéknwumarék yaké guné yo.