Matyu 13:15 - Gotna Kudi

¹⁵ Naate watakne Got dé Aisaiat wakwek: Wani du taakwa wuna kudiké kutdéngmuké kélik yadaka deku mawulé kapéredi dé yo. Deku waan debu kuttépék. Deku méni debu kusnyék. De wuna kudiké kutdéngké mawulé yado mukatik wuna kudiké kutdéngdo. Deku waan kuttépémarék yado mukatik miték véknwudo. Deku méni laapiyakdo mukatik miték védo. Waga yado mukatik, wuna kudi miték véknwudo derét kutnébulwuru. Waga Got deku mawuléké dé Aisaiat wakwek. Wakwedéka Aisaia déku kudi déku nyégaba dé kavik.”

Gotna kundi

¹⁵ Wunga watake wa Got Aisaiat wandén: Wani du dakwa wuna kundi vékusékmuké kalik yandaka wa deku mawulé kapére yandékwa. Deku waan wa kétaaktépéndarén. Deku méni wa kusndarén. De wuna kundi vékusékngé mawulé yamunaae, wa wuna kundi vékusékngatik daré. Deku waan kuttépékapuk yamunaae, wa yékunmba vékukatik daré. Deku méni laamunaae, wa yékunmba vékatik daré. Wunga yamunaae, wa wuna kundi yékunmba vékundaru wa det kururékatik wuté. Got deku mawuléké Aisaiat wunga wandén. Wandéka Aisaia déku kundi déku nyéngaamba viyaatakandén.” Naandén Jisas.

Matyu 13:15 ပူးပေါင်းရင်းမြစ်များ

Jisas Kraiské Mak viyaatakan kundi 4:12

Wakwewuréka de Gotna nyégaba kwaakwa kéni kudi wadékwa pulak de yo: De véte véte miték vémarék yaké de yo. De kudi véknwute véknwute wani kudiké kutdéngmarék yaké de yo. Kutdéngdo mukatik Gotna kudi véknwudo dé Got yadan kapéredi mu yakutnyéputidu.” Naate dé Jisas wak.

Jisas Kraiské Luk viyaatakan kundi 19:42

Géraate dé wak, “Bulaa guné Got wale nakurak mawulé yate raké kutdénggunu mukatik wan yéknwun. Bulaa wani mu paakudék guné kaapuk miték kutdénggunén.

Aposel 3:19

Wani kudi watakne dé Pita wak, “Guné guna kapéredi mawulé mé kulaknyénytakne Gotna kudi véknwugunu Got guna kapéredi mawulé yatnyéputiké dé yo. Yatnyéputitakne dé Némaan Ban Got gunéké apa kwayéte guné wale tédu guna mawulé miték téké dé yo.

Aposel 7:57

Dé waga wadéka de déku kudi véknwumuké kélik yate némaanba waate de deku waan kuttépék. Yate de akwi bari pétépété déké yék.

2 Timoti 4:4

Yate Gotna kudi kulaknyénytakne deku képmawaarana walésaki male véknwuké de yo.

Yibruna 5:11

Naané wupmalemu kudi wakweké naané mawulé yo, Melkisedek nyédé duna némaan ban radékwaké. Wani kudi wakwenaran, yaga pulak wani kudi bari kutdéngké guné yo? Wani kudi kutdéngké guné yapatiyu, guna mawulé miték témarék yadékwa bege.

Revelesen 22:2

Wani gayéba kwaakwa nyédé yaabuba dé yék. Kaabélé maalé vétikba dé mi las ték. Du taakwa wani misék kate apuba apuba miték rasaakuké de yo. Wani mi akwi kwaaré apu taaba vétik sékét maanba kayék vétik waga dé sék aku. Akwi baapmu dé sék aku. Wani mi gaga akwi képmaaba rakwa du taakwat dé kutkalé yo, de yéknwun mawulé yate apuba apuba miték rasaakudoké.