Matyu 11:17 - Gotna Kudi

¹⁷ Waate de wo: Naané gwaaré waate kaang viyaanaka guné kaapuk kétigunén. Naané mawulé lékte géraanaka guné kaapuk géraagunén. Guné naané wale nakurak mawulé kaapuk yagunén. Waga waakwa baadi pulak, bulaa rakwa du taakwa waga de ro.

Gotna kundi

¹⁷ Waate wandakwa: Nané gwaaré waate kaang viyaananga guné yamba kétingunéngwe. Nané sémbéraa yate géraananga guné yamba géraangunéngwe wa. Guné nanale nakurakmawulé yamba yangunéngwe wa. Wunga waakwa nyambalé pulak, bulaa tékwa du dakwa wunga yaténdakwa.

Matyu 11:17 ပူးပေါင်းရင်းမြစ်များ

Matyu 11:16

“Bulaa rakwa du taakwa yaga pulak de? Gunat wakweké wunék. Bulaa rakwa du taakwa de ameba kutkwa baadi pulak de ro. De kutte de nak baadit wao.

Matyu 11:18

“De Jon wale nakurak mawulé kaapuk yadan. De wuné wale nakurak mawulé kaapuk yadakwa. Jon yae kagunékwa kadému kamarék yate kagunékwa wain gu kaapuk kadén. Yadéka guné akwi déké kélik yate guné wo, ‘Kutakwa déku mawuléba wulae téléka dé waagété yo.’

Matyu 9:15

Naate wadaka dé Jisas derét aja kudi kéga wak: “Du nak taakwa yaké yadu de kadému sérakne yéknwun mawulé yate kadému kaké de yo, kapu kaapuk? De kaké de yo. Taakwa yaran du de wale radu de yéknwun mawulé yate kaké de yo. Kukba de nak du yae wani dut kure yédo de déku du taakwa déké mawulé lékte kadému kamarék yaké de yo. Wuné wuna du wale wekna rawuréka de yéknwun mawulé yate kadému de ko.”

Matyu 9:23

Jisas waga watakne dé némaan duna gat yék. Ye dé vék du las kiyaan takwanyanké mawulé lékte kaany yapévudaka wupmalemu du taakwa némaanba géraadaka.

Jisas Kraiské Luk viyaatakan kundi 15:25

“Wani duna maknanyan yaawiba dé ték. Te kukba gwaamale yae ga saabaké yate dé véknwuk kaang viyaate kétidaka.

Jisas Kraiské Luk viyaatakan kundi 23:27

Yédaka de wupmalemu du taakwa de Jisasna kukba yék. Yéte de taakwa las némaa mawulé lékte de déké némaanba géraak.

Jisas Kraiské Luk viyaatakan kundi 7:32

Bulaa rakwa du taakwa de ameba kutkwa baadi pulak de ro. De kutte de nak baadit wao. Waate de wo, Naané gwaaré waate kaang viyaanaka guné kaapuk kétigunén. Naané mawulé lékte géraanaka guné kaapuk géraagunén. Guné naané wale nakurak mawulé kaapuk yagunén. Waga waakwa baadi pulak, bulaa rakwa du taakwa de ro.

Jisas Kraiské Luk viyaatakan kundi 8:52

Naate wadéka waba tén akwi du taakwa wani takwanyanké mawulé lékte de téte géraak. Géraadaka dé derét wak, “Guné géraamarék yaké guné yo. Lé kaapuk kiyaalén. Lé bakna widé lé kwao.”