Jisas Kraiské Luk viyaatakan kundi 6:14 - Gotna Kudi

¹⁴ Deku yé kéga. Saimon. Déké Jisas dé nak yé kwayék, Pita. Saimonna wayékna, Andru. Jems. Jon. Pilip. Batolomyu.

Gotna kundi

¹⁴ Deku yé anga wa: Saimon. Déku nak yé Jisas wa kwayén, Pita. Saimonna waayéka, Andru. Jems. Jon. Filip. Bartolomyu.

Jisas Kraiské Luk viyaatakan kundi 6:14 ပူးပေါင်းရင်းမြစ်များ

Matyu 10:2

De déku kudi kure yédoké dé derét wak. Deku yé kéga: Saimon, déku nak yé Pita. Déku wayékna Andru. Sebedina nyaan vétik Jems déku wayékna Jon wale.

Matyu 10:3

Pilip. Batolomyu. Tomas. Matyu. Déknyényba takis dé nyégélék. Alpiasna nyaan Jems. Tadias.

Matyu 4:18

Jisas Galilina kwawu nak maaléba yéte dé vék Saimon, déku nak yé Pita, déku wayékna Andru wale bétku jébaa yabétka. Bét akwi nyaa yabérén pulak wani kwawuba bét laaké tawuk gukwamiké.

Matyu 4:21

De walkamu ye dé Jisas vék Sebedina nyaan vétik Jems bét déku wayékna Jonét. Bétku yaapa Sebedi wale de botba rak. Rate laaké miték yadaka dé Jisas bérét wak, dé wale yébéruké.

Jisas Kraiské Mak viyaatakan kundi 1:19

De walkamu ye dé Jisas vék Sebedina nyaan vétik Jems bét déku wayékna Jonét. Bétku yaapa Sebedi wale déku jébaa yakwa du wale waga de bétku botba rak. Rate laaké miték yabétka dé Jisas bérét wak, dé wale yébéruké. Wadéka bét bétku yaapa déku du wale botba radaka bari kulaknyénytakne bét Jisas wale yék.

Jisas Kraiské Mak viyaatakan kundi 1:29

Jisas Gotna kudi buldakwa ga bari kulaknyénytakne dé yék. Jems, déku wayékna Jon, du las wawo, de Jisas wale de yék. Ye Saimon bét Andruna gat de wulaak.

Jisas Kraiské Mak viyaatakan kundi 14:33

Naate watakne dé Pita, Jems, Jonét kwole de yék. Yédaka déku mawulé kapére yadéka dé sanévéknwu wanévéknwuk.

Jisas Kraiské Mak viyaatakan kundi 3:16

Déku duna yé kéga: Saimon. Dérét dé nak yé waak, Pita.

Jisas Kraiské Mak viyaatakan kundi 5:37

Naate watakne dé Pita, Jems, Jemsna wayékna Jon derét dé wak, “Guné kapmu wuné wale mé yaa. Nak du taakwa yaamarék yaké de yo.”

Jisas Kraiské Mak viyaatakan kundi 9:2

Nyaa nak taaba sékét nak taababa kayék nakurak yédéka dé Jisas, Pita, Jems, Jonét waga kwole de apakélé nébat nak waarék. Waare de kapmu de waba rak. Rate védaka Jisasna sépé walaakwe dé nak pulak yak.

Jisas Kraiské Luk viyaatakan kundi 5:8

Yadéka véte wupmalemu gukwami wurédanké sanévéknwute dé Saimon Pita kwagénék. Dé wale botba ran du wawo de kwagénék. Sebedina nyaan vétik Jems bét Jon bét wawo bét kwagénék. Bét Saimon wale bét jébaa yak. Kwagénte dé Saimon Jisasna maan wale kwati yaane dé dérét wak, “Némaan Ban, méné wunat kulaknyénytakne yéké méné yo. Wuné wale ramarék yaké méné yo, kapéredi mu yakwa du rawurékwa bege.” Naate wadéka dé dérét wak, “Méné wup yamarék. Méné gukwami kutménén pulak méné wuna jébaa yate méné du taakwat kéraaké méné yo, de wuna jébaaba yaaladoké.”

Jisas Kraiské Luk viyaatakan kundi 6:13

Yé tékdéka nyaa yaaladéka dé déku duwat waadéka de yaak. Yaadaka dé du taaba vétik sékérékne maanba kayék vétik waga derét dé wak, de déku kudi kure yékwa du radoké.

Jisas Kraiské Luk viyaatakan kundi 6:15

Matyu. Tomas. Alpiasna nyaan, Jems. Saimon. Dé déknyényba gege gayét yéte dé wak, “Nak képmaana du naanéké némaan du ramuké kélik wuné yo.”

Jisas Kraiské Jon viyaatakan kundi 1:45

Naate wadéka dé Pilip Jisasna jébaa yate ye dé Natanielké sékalék. Sékale véte dé dérét wak, “Déknyényba naana képmawaara Moses Gotna yéba kudi wakwen du wawo de kulé duké Gotna nyégaba kavik. Wani dut naanébu vék. Wan Nasaret ban Jisas. Dé Josepna nyaan.”

Jisas Kraiské Jon viyaatakan kundi 14:8

Jisas waga wadéka dé Pilip wak, “Némaan Ban, naané naana yaapa Gorét véké naané mawulé yo. Méné naanat dérét wakwatnyéménu naané ménat tépa waatamarék yaké naané yo déké.”

Jisas Kraiské Jon viyaatakan kundi 6:5

Rate dé Jisas vék wupmalemu du taakwa déké yaadaka. Vétakne dé Pilipmét wak, “Kadému yaba kérae wani du taakwaké kwayéno kaké de yo?”

Jisas Kraiské Jon viyaatakan kundi 6:8

Naate wadéka naana du nak Andru dé waba ték. Wani du wan Saimon Pitana wayékna.

Aposel 1:13

Wulae de radakwa ga nak tabét waarék. Pita, Jon, Jems, Andru, Pilip, Tomas, Batolomyu, Matyu, Alpiasna nyaan Jems, nak Jemsna nyaan Judas, Saimon, waga de waare rak. Wani du Saimon nak képmaana du déku gayéna duké némaan du ramuké dé kélik yak.

Aposel 12:2

Yaalébaante wadéka de Jonna némaadu Jemsnyét viyaapéreknék, waariyadakwa kulaat.

2 Pita 1:1

Wuné Saimon Pita gunéké wuné kaviyu. Wuné Jisas Kraisna jébaa yate déku kudi kure yaakwa du wuné gunéké wuné kaviyu. Guné Gotké miték sanévéknwukwa du taakwa, gunéké wuné kaviyu. Naané Jisas Kraisna kudi kure yaakwa du Gotké miték sanévéknwunakwa pulak, guné naané wale nakurak mawulé yate guné Gotké miték sanévéknwu. Sanévéknwute guné naané wale déku du taakwa guné ro. Jisas Krais wan naana Némaan Ban Got. Jisas Krais wan Setenna taababa naanat kéraakwa ban. Dé yéknwun mu male yasaakute naanéké yéknwun mawulé débu tiyaak, naané Gotké waga miték sanévéknwunoké. Guné naané wale Gotké miték sanévéknwugunéka gunéké wuné kaviyu.