Jisas Kraiské Luk viyaatakan kundi 2:14 - Gotna Kudi

¹⁴ Got awuré déku gayéba rate miték débu yak. Déku yéba kevérékno. Got yéknwun mawulé yadékwa du taakwa miték raké de yo kéni képmaaba. Naate de waak.

Gotna kundi

¹⁴ Got anjoré déku gaayémba rate yékun wa yandén. Déku yé kavérék-nganangwa. Got mawulé tawulé yandékwa du dakwa yénga yékunmba téndaru ani képmaamba. Wunga waandarén.

Jisas Kraiské Luk viyaatakan kundi 2:14 ပူးပေါင်းရင်းမြစ်များ

Matyu 21:9

Yatakne de du taakwa las taale yédaka de las Jisasna kukba yaate némaanba de waak, Devitna képmawaara naanéké dé yao. Wan yéknwun. Némaan Ban Got wadék dé yao. Wan yéknwun. Got dérét kutkalé yaké dé yo. Awuréba rakwa ban Gotna yéba kevérékgé naané yo.

Jisas Kraiské Luk viyaatakan kundi 19:38

Naana némaan ban naanéké dé yao. Némaan Ban Got wadék dé yao. Wan yéknwun. Got dérét kutkalé yaké dé yo. Gotna gayéba rakwa du yéknwun mawulé yate miték raké de yo. Naané yéknwun mawulé yate awuréba rakwa ban Gotna yéba kevérékgé naané yo.

Jisas Kraiské Luk viyaatakan kundi 2:13

Wadéka de Gotna kudi kure giyaakwa wupmalemu du bari giyae de wani ban wale ték. Téte kéga de gwaaré waak:

Jisas Kraiské Luk viyaatakan kundi 2:15

Wani du waga gwaaré waatakne de derét kulaknyénytakne gwaamale waarék Gotna gayét. Waarédaka de sipsipké téségén du deku kapmu bulte de wak, “Betleyemét yéno. Ye Némaan Ban wakwedén nyaanké sékale véké naané yo.”

Jisas Kraiské Jon viyaatakan kundi 14:27

“Wuné gunat kulaknyénytakne yéké yate yéknwun mawulé gunéké kwayéké wuné yo. Kwayéwuru guna mawulé miték téké dé yo. Wuna mawulé miték tékwa pulak, guna mawulé miték téké dé yo. Kéni képmaaba rakwa kwatkwa du taakwa deku mawulé waga pulak kaapuk tékwa. De kéni képmaana gwalmuké male de sanévéknwu. De kwayéwuréran mawuléké kaapuk kutdéngdan. Guné wuné yéranké sanévéknwute guné mawulé lékte wup yamarék yaké guné yo.

Jisas Kraiské Jon viyaatakan kundi 17:4

Kéni képmaaba rate yawuruké waménén jébaa wunébu yabutik. Yate wuné ména yéba kevéréknék.

Jisas Kraiské Jon viyaatakan kundi 3:16

Got kéni képmaaba rakwa du taakwaké mawulat kapére yate déku nyaanét wadéka dé giyaak. Got wupmalemu baadi kaapuk. Nakurak male. Got waga dé wak, déku nyaanké miték sanévéknwukwa du taakwa kulé mawulé kérae dé wale apuba apuba miték rasaakudoké. Yalakmarék yaké de yo.

Aposel 10:36

Got dé kudi wakwek, naané akwi Isrelna duwat. Got wadéka dé akwi duna Némaan Ban Jisas Krais yae dé du taakwa Got wale miték radaran kudi wakwek. Wani kudi guné kutdéngék.

Romba 5:1

Naané Jisas Kraisna jébaaba yaalan du taakwa Gotké miték sanévéknwute déku kudiké “Adél” naanaka Got dé naanéké wo, “Wuna méniba yéknwun mu yakwa du taakwa de ro.” Naate wadékwaké sanévéknwute, naané kéga yaké naané yo. Naana Némaan Ban Jisas Krais naanéké kiyae yanan kapéredi mawulé kutnébuldénké naané Got wale nakurak mawulé yasaakute miték raké naané yo.

Efesus 1:6

Waga yate dé naanat kutkalé yate naanéké mawulé lékte dé akwi yéknwun mawulé débu tiyaak, naané Jisas Kraisna du taakwa ranakwa bege. Déké dé mawulat kapére yo. Got waga tiyaadénké déku yéba kevérékgé naané yo.

Efesus 1:9

Déknyényba Got dé wak, déku nyaan Jisas Krais jébaa yadu dé nak jébaa yadéranké. Taale déku jébaa dé Got paakuk. Dé wak, “Kukba wani jébaa derét wakwatnyéké wuné yo.” Naate watakne dé taale wani jébaa paakuk. Bulaa dé naanat wani jébaa wakwatnyu. Got yadéran jébaaké miték kutdéngnoké, bulaa dé Got naanat wani jébaa wakwatnyu.

Efesus 2:4

Némaa mawulé lékgwa ban Got yanan kapéredi mu kaapuk yakatadén. Naanéké dé mawulé léknék. Lékte naanéké mawulat kapére dé yak.

Efesus 2:7

Got dé waga wak, kukba raran du taakwa déku mawulé kutdéngdoké. Got naanéké mawulat kapére yate naanéké mawulé lékte naanéké miték véte wadéka Krais Jisas naanéké kiyae naanat kutkalé dé yak. Du taakwa wani muké kutdéngdoké Got dé naanat wak, Krais wale ranakwaké.

Filipai 2:11

Daate de akwi kéga waké de yo, “Jisas Krais wan naana Némaan Ban.” Naate wate de naana yaapa Gotna yéba kevérékgé de yo.

Filipai 2:13

Got guné wale téte dé jébaa yo, guné mawulé yadékwa pulak male yaké mawulé yagunuké. Yadékwaké sanévéknwute, guné akwi déku kudi véknwute mawulé yadékwa pulak yaké guné yo.

Kolosi 1:20

Déknyényba akwi du taakwa gwalmu wawo Gotna maama de rak. Radaka dé képmaaba rakwa akwi du taakwa gwalmu, déku gayéba rakwa akwi du taakwa gwalmu wawo, dé wale nakurak mawulé yadoké dé Got mawulé yak. Yate wadéka déku nyaan miba kiyaadéka déku wény dé akuk. Yadénké akwi du taakwa Got wale nakurak mawulé yate dé wale miték raké de yo.

2 Tesalonaika 2:16

Naana yaapa Got naanéké mawulé lékte naanat kutkalé yate naanéké dé mawulat kapére yo. Yate naanat yéknwun kudi wakwedéka, naana mawulé miték tésaakudéka, naané dé wale rasaakuké naané raségu. Naana yaapa Got wadu guna mawulé apa ye miték tédu, guné apa yate yéknwun mu yate, yéknwun kudi male bulké guné yo. Waga naané Gorét waato.

Revelesen 5:13

Naate waadaka wuné véknwuk Got yan akwi mu gwaaré waadaka. Nyét, képmaa, adawuli yaalé képmaa, waba rakwa mu, kusba kwaakwa mu, de akwi gwaaré waadaka wuné véknwuk. Akwi taaléba rakwa akwi mu kéga de waak: Naana némaan ban Got dé némaan ban rakwa jaabéba dé ro. Naané déku yé wani Sipsip Nyaan Jisasna yéba wawo apuba apuba kevérékgé naané yo. Bétku apakélé apaké kudi wakwete bétké yéknwun mawulé yasaakuké naané yo apuba apuba.