1 Korin 14:39 - Gotna Kudi

³⁹ Wuna du taakwa, guné Gotna kudi bulké jawe rate, Gotna yéba kudi wakweké mawulat kapére yaké guné yo. Yagunu guna du las véknwumarék yagunékwa kudiba wakweké mawulé yadaran, guné derét waatimarék yaké guné yo.

Gotna kundi

³⁹ Wuna du dakwa, guné Gotna kundi bulké jaawuwe rate, Gotna yémba kundi kwayémuké néma mawulé ma yangunék. Yangunu guna du ras vékusékngapuk yangunéngwa kundimba waké mawulé yandaru, guné det waaruké yambak.

1 Korin 14:39 ပူးပေါင်းရင်းမြစ်များ

1 Korin 14:1

Gunat wuné wakweyo. Guné apa yate deké mawulat kapére yaké guné yo. Nak kudi wawo wuné wakweyo. Guné deké mawulat kapére yate guné Gotna Yaamabi tiyaakwa kés pulak nak pulak apa kéraaké mawulé yaké guné yo. Gotna yéba kudi wakwenoké dé Gotna Yaamabi apa nak tiyao. Guné wani apa kéraaké mawulat kapére yaké guné yo.

1 Korin 12:31

Wani apa akwi wan yéknwun apa. Las wan némaa yéknwun apa. Guné wani apa kéraaké mawulat kapére yagunuké wuné mawulé yo. Bulaa miték male ragunéranké kudi las bulké wunék.

1 Tesalonaika 5:20

Du Gotna yéba kudi wakwedo guné wani kudiké kuk kwayémarék yaké guné yo.

1 Korin 14:5

Guné akwi véknwumarék yadakwa kudiba wakwegunuké wuné mawulé yo. Guné Gotna yéba kevérékgé jawe rate, guné wupmalemu du véknwumarék yadakwa kudiba wakwemuké wuné kélik yo. Guné akwi Gotna yéba kudi wakwegunuké wuné mawulat kapére yo. Gotna yéba kudi wakwekwa duna kudi, dé véknwumarék yadakwa kudiba wakwekwa duna kudit débu talaknak. Du las véknwumarék yagunékwa kudiba wakwekwa duna kudi véknwute, walaakute, wakwedaran wani kudi guna mawulat kutkalé yaké dé yo. De wani kudi walaakute, Gotna du taakwa gunat wani kudi wakwedaran, guné véknwute Gotké las wawo kutdéngké guné yo.

1 Korin 14:3

Gotna du taakwa déku yéba kevérékgé jawe radaka, Gotna yéba kudi wakwekwa du véknwudakwa kudiba wakwete, derét de wakweyo. Wakwedaka deku kudi véknwudaka deku mawulé apa yate dé miték tu. Deku kudi véknwute de yéknwun mawulé yo. Yate de yéknwun jébaa yate de wup yamarék yo.

1 Korin 13:2

Gotna Yaamabi naanéké apa tiyaadéka naané Got naanat wakwedékwa kudi wakweyo, kapu yaga pulak? Naané Got paakun akwi kudiké naané kutdéngék, kapu yaga pulak? Naané vémarék yate yamarék yadan muké naané kutdéngék, kapu yaga pulak? Naané yéknwun mawulé yate, Gotna kudi miték véknwute, nébuké nak wano, dé ye aniba téké dé yo, kapu yaga pulak? Naané waga yate, nak du taakwaké mawulat kapére yamarék yanaran, naané Gotna méniba gweba du taakwa male raké naané yo.

1 Korin 14:38

Guna du las wani kudiké kuk kwayédaran guné deké kuk kwayéké guné yo.