1 Korin 14:7 - Gotna kundi

⁷ Du nak paati kurkale waakapuk yandu, wa du dakwa déku kundi katik yékunmba vékuké daré. Nak du miyé kurkale vaakérakapuk yandu, wa du dakwa wani miyé katik yékunmba vékuké daré.

Gotna Kudi

⁷ Du nak kwélé miték yapévémarék yadéran, du taakwa déku kudi miték véknwumarék yaké de yo. Nak du mi miték yamarék yadéran, du taakwa wani mi miték véknwumarék yaké de yo.

1 Korin 14:7 ပူးပေါင်းရင်းမြစ်များ

Matyu 11:17

Waate wandakwa: Nané gwaaré waate kaang viyaananga guné yamba kétingunéngwe. Nané sémbéraa yate géraananga guné yamba géraangunéngwe wa. Guné nanale nakurakmawulé yamba yangunéngwe wa. Wunga waakwa nyambalé pulak, bulaa tékwa du dakwa wunga yaténdakwa.

Jisas Kraiské Luk viyaatakan kundi 7:32

Bulaa a tékwa du dakwa de aamemba kétikwa nyambalésé pulak wa yaténdakwa. De téte rasét waandakwa. Waate anga wandakwa, Nané gwaaré waate kaang viyaananga guné yamba kétingunéngwe wa. Nané mawulé sémbéraa yate géraananga guné yamba géraangunéngwe wa. Guné nanale nakurakmawulé yamba yangunéngwe wa. Wunga waakwa nyambalésé pulak, bulaa a tékwa du dakwa wunga wa yaténdakwa.

1 Korin 13:1

Yénga pulak dé? Gotna Yaamambi nanat mayé apa tiyaandu nané ani képmaamba tékwa du bulndakwa kundi akwi vékukapuk yate, wani kundimba wate, Gotna kundi kure gaayakwa dunyanna kundimba waak nané wo? Wunga wate, nak du dakwaké néma mawulé yakapuk yamunaae, wa baka kundiké wa bulkanangwa. Miyé kurkale vaakérakapuk yandakwa pulak, wa baka kundiké male wa bulkanangwa.

1 Korin 14:6

Krais Jisasna jémbaamba yaalan du dakwa, ma véku. Guné Gotna yé kavérékmuké jaawuwe rangunu, nak du gunéké ye, vékusékngapuk yangunéngwa kundimba gunat wandaru, wa guna mawulat katik yékun yaké daré. De vékusékngunéngwa kundimba bulte, Gotna yémba kundi gunat kwayéndaru, wa guna mawulat yékun yakandakwa. Gotna yémba gunat kundi kwayéte Gotna jémbaaké gunat yakwasnyéndaru, wa guna mawulat yékun yakandakwa.

1 Korin 14:8

Du nak biugel kurkale waakapuk yandu, wa waariyakwa du yékunmba vékukapuk yate, waariyamuké katik yéké daré.