Zekaria 9:15 - An Bibel Kernewek 20234 (Kernewek Kemmyn)

¹⁵ hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Zekaria 9:15 ပူးပေါင်းရင်းမြစ်များ

Job 41:28

Ny wra sethow dhodho fia; kepar ha kulyn yw meyn-dowlbrenn.

Salmow 78:65

Ytho an Arloedh a dhifunas avel onan ow sevel yn-mes a gosk, kepar ha breselyas ow karma wosa gwin.

Eksodus 27:2

Ha ty a wra kern rygdhi war hy feder kornell; ha'n kern a vydh a unn rann gensi, ha ty a wra hy gorlownya gans brons.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

An Gan a Ganow 7:9

ha'th stevnik kepar ha'n gwin gwella ow mos smodh yn-nans, ow slynkya dres ow diwweus ha'm dyns.

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Levitikus 4:18

Hag ev a worr rann a'n goes war gern an alter usi dherag an Arloedh, usi yn tylda an kuntelles, ha dinewi oll an goes war woeles alter an offrynn leskys, orth daras tylda an kuntelles.

Levitikus 4:25

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys ha dinewi y woes war woeles alter an offrynn leskys.

Levitikus 4:7

Ha'n oferyas a worr rann a'n goes war gern alter an ynkys hweg dherag an Arloedh usi yn tylda an kuntelles, ha dinewi oll goes an lodhen war woeles alter an offrynn leskys, orth daras tylda an kuntelles.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 14:20

Y'n jydh na ‘Sansoleth dhe'n Arloedh’ a vydh war glegh an vergh, ha'n pottow yn chi an Arloedh a vydh avel an bollow a-rag an alter.

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

1 Korinthianys 1:18

Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

1 Samuel 17:45

Mes Davydh a worthybis dhe'n Filistyas, ‘Ty a dheu er ow fynn gans kledha ha gans guw ha gans skoes; mes my a dheu er dha bynn yn hanow Arloedh an luyow, Duw luyow Ysrael, neb re wruss'ta y dhefia.